නවසීලන්ත ක්‍රීඩක ලොකී ෆර්ගියුසන්ට ශ්‍රී ලංකාව සමඟ එක්දින තරගාවලිය අහිමිව ගොස් තිබෙනවා.
ඒ, ඔහුගේ අබාධ තත්ත්වය යහපත් අතට පත් නොවීම හේතුවෙන්.
ශ්‍රී ලංකාව සමඟ පසුගිය ඉරිදා දඹුල්ලේ දී පැවති දෙවන විස්සයි විස්ස තරගයේ දී ෆර්ගියුසන් ආබාධයකට ලක් වුණා.
කෙසේ වෙතත් ඔහු එම තරගයේ දී කඩුලු ත්‍රිත්වයක් වාර්තා කරමින් ශ්‍රී ලංකාවේ ජයග්‍රහණය උදුරා ගත්තා.
ලොකී ෆර්ගියුසන්ට එක්දින තරගාවලිය අහිමිවීමත් සමඟ ඇඩම් මිල්න් නවසීලන්ත එක්දින සංචිතයට කැඳවා තිබෙනවා.
ශ්‍රී ලංකාව සහ සංචාරක නවසීලන්තය අතර තරගය හෙට (13) දඹුල්ල ජාත්‍යන්තර ක්‍රිකට් ක්‍රීඩාංගණයේ දී ආරම්භ වනවා.
දෙවන සහ තුන්වන එක්දින තරග පැවැත්වෙන්නේ පල්ලෙකැලේ ජාත්‍යන්තර ක්‍රිකට් ක්‍රීඩාංගණයේ දීයි.
ඔබේ ප්‍රතිචාරය කුමක්ද ?
+1
1
+1
+1
1
+1
1
+1
+1
+1
