ෆ්‍රැන්චයිස් ලීග් තරගවලට මුල්තැන ලබාදීම හේතුවෙන් ඇෆ්ගනිස්ථාන ක්‍රිකට් ක්‍රීඩකයන් තිදෙනකුට සම්බාධක පැනවීමට කටයුතු කර තිබෙනවා.
ඇෆ්ගනිස්ථාන ක්‍රිකට් ආයතනය සඳහන් කරන්නේ මෙම ක්‍රීඩකයින් ජාතික කණ්ඩායම සහභාගීවන තරගවලට වඩා ෆ්‍රැන්චයිස් ලීග් තරගවලට මුල්තැන ලබාදෙන බවයි.
දඟ පන්දු යවන ක්‍රීඩක මුජිබ් උර් රහමන්, වේග පන්දු යවන ක්‍රීඩකන් වන ෆසල්හක් ෆරූකි සහ නවීන් උල් හක්ට මෙලෙස
මෙලෙස සම්බාධක පනවා ඇති බවයි වාර්තා වන්නේ.
ඒ අනුව ඇෆ්ගනිස්ථාන ක්‍රිකට් ආයතනය විසින් මෙම ක්‍රීඩකයින්ට එළඹෙන වසරේ වාර්ෂික කොන්ත්‍රාත්තුව ලබාදීම ප්‍රමාද කිරීම සහ ඉදිරි වසර 02ක කාලය තුළ විදේශිය ලීග් තරග සදහා අවසර ලබානොදීමට තීරණය කර තිබෙනවා.
මෙම තීරණයත් සමඟ මෙම ක්‍රීඩකයින් තිදෙනාට 2024 ඉන්දීය ප්‍රිමියර් ලීග් තරගාවලියට ක්‍රීඩා කිරීමට අවස්ථාව අහිමිව යනවා.
එළඹෙන අයි.පී.එල්. තරගාවලිය වෙනුවෙන් මුජිබ් උර් රහමන් කොල්කටා නයිට්රයිරස් කණ්ඩායම විසිනුත්, ෆසල්හක් ෆරූකි සන්රයිසස් හයිද්‍රාබාද් කණ්ඩායම විසිනුත්, නවීන් උල් හක් ලක්නව් සුපර් ජයන්ට්ස් කණ්ඩායම විසිනුත් තෝරාගෙන තිබෙනවා.
.
