ලංකා සීනි සමාගමට නව සභාපතිවරයෙක්

ලංකා සීනි සමාගමේ නව සභාපතිවරයා ලෙස මේජර් ජනරාල් සාරද සමරකෝන් පත්කර තිබෙනවා.

ඔහු අද සිය ධුරයේ රාජකාරී ආරම්භ කර ඇති බවයි සඳහන් වන්නේ.

ශ්‍රී ලංකා යුද හමුදා ගජබා රෙජිමේන්තුවේ ජ්‍යෙෂ්ඨ නිලධාරියෙකු ලෙස කටයුතු කළ ඔහු විශ්‍රාම ගැනීමෙන් අනතුරුව ජනතා වතු සංවර්ධන මණ්ඩලයේ ප්‍රධාන විධායක නිලධාරීවරයා ලෙසට කටයුතු කළා.

පාඩු ලබමින් තිබූ ජනතා වතු සංවර්ධන මණ්ඩලය කෙටි කලක් තුල ලාභ ලබන ආයතනයක් බවට පත් කිරීමට ඔහු කටයුතු කළ බවයි දැක්වෙන්නේ.