රෝයල් චැලෙන්ජස් බැංගලෝර් පිළට නව ක්‍රිකට් අධ්‍යක්ෂවරයෙක්

රෝයල් චැලෙන්ජස් බැංගලෝර් කණ්ඩායමේ නව ක්‍රිකට් අධ්‍යක්ෂවරයා ලෙස මෝ බොබට් පත්කර ඇති අබව වාර්තා වනවා.

මේ වනවිට එංගලන්ත පිරිමි ක්‍රිකට් කණ්ඩායමේ කාර්ය සාධන අධ්‍යක්ෂවරයා ලෙස කටයුතු කරන ඔහු එම තනතුරෙන් ලබන වසරේ පෙබරවාරි මාසයේදී ඉවත්වීමට නියමිතයි.

ඉන් අනතුරුව ඔහු රෝයල් චැලෙන්ජස් බැංගලෝර් කණ්ඩායමේ නව ක්‍රිකට් අධ්‍යක්ෂවරයා ලෙස රාජකාරී ආරම්භ කිරීමට නියමිත බවයි වාර්තා වුණේ.

40 හැවිරිදි බොබට් පසුගිය වසර හතර තුළ එංගලන්ත පිරිමි කණ්ඩායමේ කාර්ය සාධන අධ්‍යක්ෂවරයා ලෙස කටයුතු කරනු ලැබුවා.

බොබට් මීට පෙර බැංගලෝර් කණ්ඩායම සමඟ උපදේශන පදනමක් මත කටයුතු කර තිබෙනවා.

බැංගලෝර් කණ්ඩායමේ නව ප්‍රධාන පුහුණුකරු ඇන්ඩි ෆ්ලවර් සමඟ බොබට් එංගලන්ත කණ්ඩායම තුළ එකට වැඩ කළ දිගුකාලීන සබඳතාවක් ද පවතිනවා.