රුසියානු ගුවන් ප්රහාරයකින් හත්දෙනෙකු මිය ගිය බව යුක්රේනය පවසනවා.
රුසියාව මෙතෙක් යුක්රේනයට එල්ල කළ විශාලතම ගුවන් ප්රහාරය බවයි යුක්රේන ගුවන් හමුදා ප්රධානියා පවසන්නේ.
යුක්රේනයේ ප්රදේශවලින් අඩකට වඩා වැඩි ප්රමාණයකට මෙලෙස ඊයේ (26) දිනයේ මිසයිල සහ ඩ්රෝන යානා ප්රහාර එල්ල කර ඇති බවයි විදෙස් මාධ්ය වාර්තා කළේ.
මෙම ප්රහාරවලින් තවත් විශාල පිරිසක් තුවාල ලබා ඇති බවයි තොරතුරු වාර්තා වුණේ.
මෙම මිසයිල සහ ඩ්රෝන් ප්රහාර මාලාව ඊයේ දින රාත්රියේ ආරම්භ වී ඇති අතර එය අද (27) අලුයම දක්වාම නොකඩවා පැවති බවයි වාර්තා වුණේ.
මේ අතර රුසියාව ප්රකාශ කළේ යුක්රේනයේ බලශක්ති යටිතල පහසුකම් ව්යුහයට මෙම ප්රහාරය දියත් කළ බවයි.
රුසියාව මිසයිල 127ක් සහ ඩ්රෝන ප්රහාර 109ක් එක රැයක් තුළ එල්ල කර ඇති බවයි යුක්රේන ගුවන් හමුදාවේ අණදෙන නිලධාරි මයිකොලා ඔලෙෂ්චුක් සඳහන් කළේ.
ඉන් මිසයිල 102ක් සහ ඩ්රෝන යානා 99ක් යුක්රේනය විසින් සාර්ථකව බිම හෙළා ඇති බව දා ඔහු වැඩිදුරටත් සඳහන් කළා.
මෙම ප්රහාරය රුසියා – යුක්රේන යුද්ධයේ දී රුසියාව විසින් එල්ල කළ දැවැන්තම ගුවන් ප්රහාරය බවයි යුද විශ්ලේෂකයින් ද සඳහන් කළේ.
