ශ්රී ලංකාවේ රුසියානු තානාපති ලෙවන් එස්. ධාගරියන් මහතා පසුගියදා (25) ශ්රී ලංකා පාර්ලිමේන්තුවේ කතානායක වෛද්ය ජගත් වික්රමරත්න මහතා හමුවුණා.
පාර්ලිමේන්තු පරිශ්රයේ පැවති මෙම රැස්වීමට පාර්ලිමේන්තු මහලේකම් කුෂානි රෝහණදීර මහත්මිය ද සහභාගී වූ බවයි වාර්තා වන්නේ.
මෙහිදී දඅහස් දැක්වූ රුසියානු තානාපතිවරයා 1956 දී ආරම්භ වූ රුසියාව සහ ශ්රී ලංකාව අතර දිගුකාලීන රාජ්ය තාන්ත්රික සබඳතාවන්වල වැදගත්කම අවධාරණය කළා.
දෙරට අතර සහයෝගීතාව තවදුරටත් ශක්තිමත් කිරීමේ අවශ්යතාව ද මෙහිදී පෙන්වා දුන්නා.
ශ්රී ලංකාවට පැමිණෙන රුසියානු සංචාරකයින්ගේ සංඛ්යාව ඉහළ අගයක් ගැනීම පිළිබඳව කතානායකවරයා සිය ප්රසාදය පළ කළ අතර, මෑතකදී කරන ලද පොහොර ප්රදානය ඇතුළු විවිධ අවස්ථාවන්හි දී රුසියාව දැක්වූ අඛණ්ඩ සහයෝගයට කෘතඥතාව පළ කළා.
ශ්රී ලංකාව සහ රුසියාව අතර පවතින රාජ්ය තාන්ත්රික සබඳතා ශක්තිමත් කරමින්, විවිධ අංශ ඔස්සේ ද්විපාර්ශ්වික සබඳතා තවදුරටත් වැඩිදියුණු කිරීම කෙරෙහි ද මෙහිදී අවධානය යොමු වුණා.
