රුසියානු ජනාධිපති ව්ලැඩිමීර් පුටින් යුක්රේනයේ මරියුපෝල් වෙත හදිසි සංචාරයක නිරත වී තිබෙනවා.
පසුගිය 2022 වසරේ පෙබරවාරි මාසයේ යුක්රේනයට පහරදීම ආරම්භ කර මරියුපෝල් අල්ලා ගැනීමෙන් පසු ඔහු නගරයට පැමිණි ප්රථම අවස්ථාව මෙයයි.
ගැටුම අතරතුර යුක්රේන දරුවන් දහස් ගණනක් රුසියාව විසින් පිටුවහල් කිරීම සම්බන්ධයෙන් ජාත්යන්තර අපරාධ අධිකරණය විසින් පුටින් අත්අඩංගුවට ගැනීමේ වරෙන්තුවක් නිකුත් කිරීමෙන් පසුව මෙම සංචාරය සිදු වීම ද විශේෂත්වයක්.
පුටින් ඊයේ හෙලිකොප්ටරයකින් Mariupol වෙත පියාසර කර නගරයේ සංචාරය කර ඇති අතර මෝටර් රථයක් ද පදවාගෙන ගිය බවයි විදෙස් වාර්තා සඳහන් කළේ.
ස්ථාන කිහිපයක සංචාරය කර ප්රදේශවාසීන් සමඟ කතා කළ අතර නගරයේ ප්රතිසංස්කරණ කටයුතු පිළිබඳ වාර්තාවක් ද විමසා බල තිබෙනවා.
මොස්කව් ප්රාදේශීය ආණ්ඩුකාර මිහායිල් රස්වෝෂායෙව් සමඟ ඔහු කළු මුහුදේ වරාය නගරයක් වන සෙවාස්ටොපෝල් වෙත පැමිණෙන බව රුසියානු රාජ්ය රූපවාහිනිය විකාශය කර ඇතැයි සඳහන්.
2022 වසරේ පෙබරවාරි මාසයේ ගැටුම ආරම්භයේ සිට යුක්රේන දරුවන් 16,000 කට වැඩි පිරිසක් රුසියාවට පිටුවහල් කර ඇති බවත්, ඔවුන්ගෙන් බොහෝ දෙනෙක් ආයතනවල සහ කැපකරු නිවාසවල රඳවා ඇති බවත් යුක්රේනය පවසනවා.
ICC නීති සම්පාදක කරීම් ඛාන් විදෙස් මාධ්ය වෙත පැවසුවේ රුසියානු ජනාධිපතිවරයා අධිකරණයේ සාමාජික රටවල් 120න් එකකට හෝ පය තැබුවහොත් ඔහු අත්අඩංගුවට ගැනීමට එම බලධාරීන් කටයුතු කළ යුතු බවයි.
70-හැවිරිදි රුසියානු නායකයා වරෙන්තුව පිළිබඳව මෙතෙක් ප්රසිද්ධියේ අදහස් දක්වා නැහැ.
හේග් පදනම් කරගත් අධිකරණයේ මෙම නියෝගය පැමිණියේ රුසියානු චීන සබඳතාවල නව යුගයක් ආරම්භ කිරීම ලෙස හුවා දක්වන ගිවිසුම් අත්සන් කිරීම සඳහා චීන ජනාධිපති ෂී ජින් පිං හෙට මොස්කව් නිල සංචාරයක නිරත වීමට සුදානම් වෙමින් සිටියදී යි.
රුසියාවේ ප්රධාන මිත්ර රාජ්යයක් වන චීනය, යුක්රේන ගැටුමේ මැදිහත්කරුවෙකු ලෙස ලෙස සිටීමට උත්සාහ කර ඇති අතර, සාකච්ඡා ආරම්භ කරන ලෙස දෙපාර්ශවයෙන්ම ඉල්ලා තිබෙනවා.
රුසියාවේ මෙම ප්රහාර හෙළා දැකීමට අපොහොසත් වීම සම්බන්ධයෙන් බටහිර රටවල නායකයින් චීනය විවේචනය කර ඇති අතර, අදාළ මෙහෙයුම්වලට රාජ්ය තාන්ත්රික ආවරණයක් සපයන බවටයි චෝදනා කරන්නේ.
