ජාතික කාර්මික කොරිඩෝ සංවර්ධන වැඩසටහන (NICDP) යටතේ නව කාර්මික සුහුරු හෙවත් ස්මාර්ට් නගර 12 ක් සංවර්ධනය කිරීමත් සමඟ ඉන්දියාව පරිවර්තනීය කාර්මික විප්ලවයකට භාජනය වීමට නියමිත ව තිබෙනවා.
මධ්‍යම රජයේ අමාත්‍ය පියුෂ් ගොයල් අවධාරනය කළේ, රුපියල් කෝටි 1.5 ක ආයෝජන විභවයක් සහිත සෘජු රැකියා මිලියනයක් සහ වක්‍ර රැකියා මිලියන 3 ක් නිර්මාණය කිරීම ව්‍යාපෘතිවල අරමුණ බවයි.
මෙම මුලපිරීම මගින් ප්‍රාන්ත 10 ක් සහ කොරිඩෝ 6 ක් ආවරණය වන අතර, සමතුලිත කලාපීය සංවර්ධනය සහ උසස් යටිතල පහසුකම් ප්‍රවර්ධනය කරයි.
“ගෝල්ඩන් චතුරස්‍රය මෙන් මුළු රටම ආවරණය වන පරිදි කාර්මික කොරිඩෝ එකොළහක් නම් කර ඇත. අපි දැන් එක් එක් කොරිඩෝව තුළ කාර්මික නගර, බහු මාදිලියේ සැපයුම් මධ්‍යස්ථාන සහ බහුවිධ ප්‍රවාහන මධ්‍යස්ථාන පිහිටුවීමට ප්‍රාන්ත ආන්ඩු සමඟ කටයුතු කරමින් සිටිමු.. මේ වන විට ව්‍යාපෘති හතරක් ක්‍රියාත්මක කර ඇති අතර තවත් ව්‍යාපෘති හතරක වැඩ සීඝ්‍රයෙන් ආරම්භ කර ඇත.’’ අමාත්‍ය පියුෂ් ගොයල් පැවසුවා.
wpDiscuz
