විදෙස් ගමන් බලපත්‍ර ලබාගැනීම සඳහා පසුගිය කාලයේ පැවති දිගු පෝලිම් මේ වන විට යළිත් නිර්මාණය වී ඇති බවට තොරතුරු වාර්තා වනවා.
බත්තරමුල්ලේ පිහිටි ආගමන විගමන දෙපාර්තමේන්තු කාර්යාල ඉදිරිපිට මීට පෙර පැවති දිගු පෝලිමේ මේ වනවිට එම කාර්යාලයේ රථගාල තුළට ගෙන ගොස් ඇති බවයි අප වාර්තාකරුවන් පැවසුවේ.
රාත්‍රියේ සිට ආගමන විගමන දෙපාර්තමේන්තු කාර්යාල අසළ මාර්ගයේ පෝලිම්වල රැඳී සිටින සේවා ලබාගැනීමට පැමිණි ජනතාව, උදෑසන හය පමණ වනවිට රථගාල තුළට ගෙන ගොස් මාර්ගයේ පැවති පෝලිම් අතුරුදන් කිරීමට මේ වනවිට කටයුතු කරන බවටයි වැඩිදුරටත් තොරතුරු වාර්තා වුණේ.
මේ අතර රාත්‍රියේ සිට මෙම පෝලිම්වල රැඳී සිටින ජනතාව චෝදනා කරන්නේ විදෙස් ගමන් බලපත්‍ර ලබාගැනීම වෙනුවෙන් තමන් විශාල මුදලක් ගෙවා පැමිණියත් නියමිත පහසුකම් තවමත් සේවා ලබාගැනීම පැමිණෙන අය හට නොලැබෙන බවයි.
ඔබේ ප්‍රතිචාරය කුමක්ද ?
+1
+1
1
+1
2
+1
+1
1
+1
+1
2
