බඩෝවිට පොලිස් මුරපොළේ රාජකාරියේ යෙදී සිටියදී මත්ද්‍රව්‍ය භාවිතා කළ පොලිස් කොස්තාපල්වරයෙකු වැඩ තහනමට ලක් කළ බව පොලිස් මූලස්ථානය පවසනවා.
මෙලෙස වැඩ තහනමට ලක්ව ඇත්තේ පිළියන්දල පොලිසියට අනුයුක්තව රාජකාරී කරමින් සිටි කොස්තාපල්වරයෙක්.
මෙම පොලිස් කොස්තාපල්වරයා ඉකුත් 04 දින ඉහත මුරපොළේ රාජකාරිය සඳහා යොදවා සිටියදී, මත්ද්‍රව්‍ය භාවිතා කර ඇති බවට ගල්කිස්ස පොලිස් ස්ථානාධිපතිවරයාට ඇති වූ සැකයක් හේතුවෙන්, කොස්තාපල්වරයා කළුබෝවිල රෝහලේ අධිකරණ වෛද්‍යවරයා වෙත ඉදිරිපත් කර වාර්තාවක් ලබාගෙන තිබෙනවා.
එහිදී කොස්තාපල්වරයා මත්ද්‍රව්‍ය භාවිතා කර ඇති බවටයි තහවුරු වී ඇත්තේ.
පොලිස් නිලධාරියකු වශයෙන් සිට මත්ද්‍රව්‍ය භාවිතා කිරීමේ චෝදනාව යටතේ ගල්කිස්ස ජ්‍යේෂ්ඨ පොලිස් අධිකාරීවරයා විසින් සැකකාර පොලිස් කොස්තතාපල්වරයාගේ වැඩහනම් කර තිබෙනවා.
සැකකාර කොස්තාපල්වරයා සම්බන්ධයෙන් විමර්ශනයක් ද ආරම්භ කර ඇති බවයි වාර්තා වන්නේ.
