රසායන විද්යාව සඳහා වන 2025 නොබෙල් ත්යාගය සුසුමු කිටගාවා, රිචඩ් රොබ්සන් සහ ඕමාර් එම්.යාගි යන විද්යාඥයින් තිදෙනාට පිරිනැමීමට තීරණය කර තිබෙනවා.
ලෝහ-කාබනික රාමු සම්බන්ධයෙන් කළ සොයාගැනීම වෙනුවෙන්, එම ත්යාගය ඔවුන්ට පිරිනැමීමට තීරණය කර ඇති බවයි වාර්තා වුණේ.
නොබෙල් ත්යාගයය අමතරව ඔවුන් තිදෙනා වෙනුවෙන් ස්වීඩන් ක්රෝනර් මිලියන 11ක මුදල් ත්යාගයක් ද හිමිවනවා.
ජපානයේ කියෝතෝ විශ්ව විද්යාලයෙන් හයිඩ්රොකාබන් රසායන විද්යාව පිළිබඳ ආචාර්ය උපාධියක් ලබා ඇති කිටගාවා, මීට පෙර හම්බෝල්ට් පර්යේෂණ ත්යාගය (2008) සහ ඩි ජෙනස් ත්යාගය වැනි සම්මාන දිනාගෙන ඇති අතර, ඔහු දැනට කියෝතෝ විශ්ව විද්යාලයේ ආචාර්යවරයෙකු ලෙස කටයුතු කරනවා.
එක්සත් රාජධානියේ උපත ලබා ඔක්ස්ෆර්ඩ් විශ්ව විද්යාලයේ රසායන විද්යාව හැදෑරූ රොබ්සන් මේ වනවිට මෙල්බර්න් විශ්ව විද්යාලයේ ආචාර්යවරයෙකු ලෙස කටයුතු කරන අයෙක්.
එමෙන්ම ඕමාර් එම්.යාගි ජෝර්දානයේ අම්මාන් හි උපත ලබා, ඇමරිකා එක්සත් ජනපදයේ ඉලිනොයිස් උර්බානා-චැම්පේන් විශ්ව විද්යාලයෙන් ආචාර්ය උපාධිය සම්පූර්ණ කර ඇති අතර, මේ වනවිට ඇමරිකා එක්සත් ජනපදයේ බර්ක්ලි හි කැලිෆෝනියා විශ්ව විද්යාලයේ ආචාර්යවරයෙකු ලෙස කටයුතු කරනවා.
