දිට්වා සුලි කුණාටුවෙන් බලපැම් ඇති වූ දිස්ත්රික්ක අතර, නුවරඑළිය දිස්ත්රික්කයේ කොත්මලේ සහ වලපනේ යන ප්රදේශවල මාර්ග විශාල වශයෙන් නායයැමට ලක් වූ බවත්, එසේ නාය ගිය මාර්ග ගොඩනැලිගි පර්යේෂණායතනයේ නිර්දේශ මත නුවරඑලියේ සුන්දරත්වය රැක ගනිමින් කෙටි කාලයක් තුල යථා තත්වයට පත් කරන බව ප්රවාහන මහාමාර්ග සහ නාගරික සංවර්ධන අමාත්ය බිමල් රත්නායක පවසනවා.
මහනුවර, නුවරඑළිය ප්රධාන මාර්ගයේ නායයෑමට ලක් වූ රම්බොඩ, කටුකිතුල, ගැරඩිඇල්ල ලබුකැලේ යන ප්රදේශවල ඊයේ (11) දින පස්වරුවේ නිරික්ෂණ චාරිකාවකට එක් විමෙන් පසු අමාත්යවරයා මේ බව සඳහන් කළා.
මෙහිදි වැඩි දුරටත් අදහස් දැක්වූ අමාත්යවරයා කියා සිටියේ දැනට වාහන ධාවනය සදහා එක් මන්තීරුවක් විවෘත කර ඇති බවත්, ඒ තුලින් අඩාල වූ නුවරඑලිය දිස්ත්රික්කයේ ජනතාවගේ ජන ජීවිතය යථා තත්වයට පත් කල හැකි බවයි.
රම්බොඩ සිට නුවරඑලිය දක්වා ප්රධාන මාර්ගයේ නාය ගිය ස්ථාන ජපානයෙන් පැමිණි භූ විද්යාඥයන් පිරිසක්ද පරික්ෂා කර බලා වාර්ථාවක් ලබා දි ඇති බවත්, එම සියලු වාර්ථා අධ්යනය කරමින් සියලුම මාර්ග අලුත්වැඩියා කිරිමට කටයුතු කරන බවත්
අමාත්යවරයා වැඩිදුරටත් කියා සිටියා.
මෙම සංචාරයට නුවරඑලිය දිස්ත්රික් පාර්ලිමේන්තු මන්ත්රීවරුන් වන මංජුල සුරවීර ආරච්චි, අනුෂ්කා තිලකරත්න සහ මධ්යම පළාත් මාර්ග සංවර්ධන අධිකාරියේ අධ්යක්ෂක මහේන්ද්ර විජේපාල ඇතුළු නිළධාරින් රැසක් සහභාගී වී සිටියා.
