අක්මා බද්ධය සඳහා ඉන්දියාවට රැගෙන ගිය කුඩා ළදරුවෙකු සහ ඔහුගේ මවක සහ පියකු ඩොලර් අර්බුදය නිසා ඉන්දියාවේ එම අදාල රෝහලට අමතර මුදල් ප්‍රමාණයක් ගෙවා ගැනීමට නොහැකි වීම නිසා නැවත ලංකාවට පැමිණීමට නොහැකිව ප්‍රශ්නයකට මුහුණ පා තිබෙනවා.
ඉබ්බාගමුව පන්නල මහගම ප්‍රදේශයේ පදිංචි අයි.ජි .ප්‍රියන්ත ලලිත් කුමාර මහතා ඒ .ජි . චිත්‍රාංගනී ප්‍රේමසිංහ මහත්මියත් තම සිඟිති දරුවාට දරුණු අක්මා රෝගයක් වැළඳ එය සුවකර ගැනීම සඳහා සිදුකරන සැත්කමකට මීට මාස කීපයකට ඉහතදී ශ්‍රී ලාංකික ජනතාවගෙන් එකතු කරගත් රුපියල් එක්කෝටි තිස්පන් ලක්ෂයක මුදලක් ද රැගෙන ඉන්දියාවේ චෙන්නායි පෞද්ගලික රෝහල්කට සැත්කම සඳහා ඇතුලත් වී තිබෙනවා.
එම රෝහලට ගෙවීම් සිදු කරද්දී මෙරට පවතින ඩොලර් අර්බුදය හේතුවෙන් එම මුදල ප්‍රමාණවත්වත් නොවී තවත් ඉන්දියන් රුපියල් හත්ලක්ෂ පනස් දහසක පමණ හිගයක් පවතින බව රෝහලෙන් මෙම මවට සහ පියාටට දැනුම් දී තිබේ
පසුව හිග මුදල ගෙවන තෙක් මෙම සිඟිති දරුවා ගේ විදෙස් ගමන් බලපත්‍ර එම පෞද්ගලික රෝහලේ කළමනාකාරීත්වය විසින් ලබාගෙන තිබීම නිසා මෙම තත්ත්වය උදාවී ඇතැයි වාර්තා වෙන්නේ
දිල්නෙත් දම්හිරු නැමැති මෙම පුංචි පුතාගේ අක්මා බද්ධය සිදුකොට ඇත්තේ සිය මවගේ අක්මාවේ කොටසක් ද උපයෝගී කරගෙන බවද එමෙන්ම මේ වන විට දරුවා සුව අතට හැරී මවත් දරුවාත් තවමත් ප්‍රතිකාර ලබන තත්වයේ පසුවෙන බවයි පවසන්නේ
