මෙරට අපරාධ රැසකට සැක කෙරෙන, පසුගිය දා ඉන්දියාවේදී අත්අඩංගුව ගැණුනු කිඹුලා ඇළේ ගුණා නැමැත්තා මෙරටට ගෙන්වා ගැනීම සම්බන්ධයෙන් අන්තර්ජාතික පොලීසිය මට්ටමින් කටයුතු කෙරෙමින් ඇති බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසයි.
මෙරට විවිධ අපරාධ සිදුකර අද වනවිට විදේශ රටවලට පළාගොස් සිටින සංඛ්‍යාව 129 දෙනෙකුට අදාළව රතු නිවේදන පවතින බවද නියෝජ්‍ය පොලිස්පති අජිත් රෝහණ මහතා පැවසීය.
මෙම රතු නිවේදන නිකුත්කර ඇති 129 දෙනා අතරින් 40 දෙනෙකු පමණ මෙරට සිදුවූ විවිධ මූල්‍ය අපරාධ සහ වංචා වැනි අපරාධ සඳහා අවශ්‍යකරන පුද්ගලයින්ය.
තවද, වෙනත් අපරාධ සම්බන්ධයෙන් අවශ්‍යකරන පුද්ගලයින් 87කට අන්තර්ජාතික පොලීසිය විසින් නිල් නිවේදන නිකුත් කරඇති බවද අජිත් රෝහණ මහතා සඳහන් කළේය.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
