නව දේශපාලන පක්ෂ ලියාපදිංචි කිරීමේ කටයුතු මේ වනවිට ආරම්භ කර ඇති බව මැතිවරණ කොමිෂන් සභාවේ සභාපති ආර්.එම්.ඒ.එල් රත්නායක පවසනවා.
ඒ, අනුව නව පක්ෂ ලියාපදිංචිය සඳහා අයදුම්පත් භාරගැනීම මෙම වසරේ ජනවාරි 28 වනදා සිට පෙබරවාරි 28 වනදා දක්වා සිදුවන බවයි සභාපතිවරයා පැවසුවේ.
සභාපතිවරයා අද (23) කැඳවා තිබූ මාධ්ය හමුවක දී සඳහන් කළේ 2025 වර්ෂයේ දී නව දේශපාලන පක්ෂ 05ක්, දේශපාලන පක්ෂ ලැයිස්තුවට ඇතුළත් වී ඇති බවයි.
ඒ, අනුව මේ වනවිට දේශපාලන පක්ෂ 85ක් දේශපාලන ලැයිස්තුවේ ඇති බවයි ඔහු සඳහන් කළේ.
මේ අතර පවතින නීතිමට බාධක කිහිපයක් හේතුවෙන් පළාත් සභා ඡන්ද විමසීම මැතිවරණ කොමිසමට බාධාවක් වී ඇති බවත් සභාපතිවරයා මෙහිදී වැඩිදුරටත් සඳහන් කර සිටියා.
පාර්ලිමේන්තුව නියෝජනය කරන සියළුම පක්ෂවලින් සහ අදාළ නියෝජිතයින්ගෙන් සභාපතිවරයා ඉල්ලා සිටින්නේ පවතින නීති ගැටළු කඩිනමින් විසඳා පළාත් සභා මැතිවරණය පැවැත්වීමට කටයුතු සලසා දෙන ලෙසයි.
