අත්තිඩිය හමුදා කදවුරේ සේවය කරන හමුදා සෙබළු දෙදෙනෙකු ඇතුලු පිරිසක් හොරණ දික්හේනපුර ප්‍රදේශයේදී ඊයේ රාත්‍රීයේ යුද හමුදාවට අයත් සුඛෝපභෝගී වෑන් රථයකින් මත්කුඩු කිලෝ 45කට අධික ප්‍රමාණයක් ප්‍රවාහනය කරමින් සිටියදී අත්අඩංගුවට ගැනීමට පානදුර වලාන දූෂණ මර්දන ඒකකය සමත් විය.
මෙම හමුදා සෙබළුන් දෙදෙනා අත්අඩංගුවට ගන්නා අවස්ථාවේදී ඔවුන් හමුදා නිල ඇඳුමින් සැරසී සිට ඇති අතර එම වෑන් රථය අත්තිඩිය හමුදා කඳවුරේ බ්‍රිගේඩියර්වරයකුට අයත් එකක් බවයි වාර්තා වන්නේ. මෙම මත්කුඩු මහා පරිමාණ මත්ද්‍රව්‍ය ජාවාරම්කරුවකු වන “අරුග්ගොඩ සලිදු” නැමැත්තාට අයත් රුපියල් කෝටි 45 කට අධික වටිනාකමින් යුතු හෙරොයින් මත්කුඩු තොගයක් මෙම වෑන් රථයෙන් ප්‍රවාහනය කොට ඇති බව පොලිසිය පවසයි.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
