පසුගිය වෙසක් පෝයට සමගාමීව මෙවර පොසොන් පෝය වෙනුවෙන් විශාල දන්සැල් සංඛ්යාවක් ලියාපදිංචි වී ඇති බව මහජන සෞඛ්ය පරීක්ෂකවරුන්ගේ සංගමය පවසනවා.
එම සංගමයේ වැඩ බලන සභාපති උපුල් රෝහණ සඳහන් කළේ මින් වැඩිම සංඛ්යාවක් උතුරු මැද පළාත තුළ ලියාපදිංචි වී ඇති බවයි.
කොළඹින් බැහැර ප්රදේශවල වැඩි දන්සැල් සංඛාවක් මේ වනවිට ලියාපදිංචි වී ඇති බවයි මාධ්ය වෙත ආදහස් දක්වමින් වැඩබලන සභාපතිවරයා සඳහන් කළේ.
මෙහිදී මහජන සෞඛ්ය පරීක්ෂකවරුන්ගේ සංගම දන්සැල් සංවිධායකයින්ට දැනුම් දෙන්නේ, දන්සැල් සංවිධානය කිරීමේ දී හැකිතාක් පොලිස්තින් සහ ප්ලාස්ටික් භාවිතය අවම කරන ලෙසයි.
මේ වනවිට රට තුළ පවතින ඩෙංගු අධි වසංගත තත්ත්වය හේතුවෙන් දන්සැල්වලින් අක්රමවත්ව බැහැර කෙරෙන පොලිතින් සහ ප්ලාස්ටික් තුළින් ඩෙංගු ව්යාප්තිය තවත් වැඩි වශයෙන් සිදුවිය හැකි බවයි වැඩ බලන සභාපතිවරයා අවධාරණය කළේ.
ඒ, අනුව ඒ පිළිබඳව සැලකිලිමත්ව කටයුතු කරන ලෙසයි දන්සැල් සංවිධායකයින්ට දැනුම් දෙන්නේ.
