ගුරුවරුන් 23,000කට වැඩි පිරිසක් බඳවා ගැනීම සඳහා මේ වනවිට අනුමැතිය ලැබී ඇති බවත්, මෙම වසර තුළ එම බඳවා ගැනීමේ ක්රියාවලිය අවසන් කිරීමට පියවර ගනිමින් සිටින බවත් අග්රාමාත්ය සහ අධ්යාපන, උසස් අධ්යාපන සහ වෘත්තීය අධ්යාපන අමාත්ය හරිනි අමරසූරිය පවසනවා.
මේ තුළින් දැනට පවතින ගුරු හිඟය මෙන්ම ගුරු මාරුවීම් සම්බන්ධ ගැටලු සැලකිය යුතු ලෙස අවම වනු ඇති බව ද ඇය සඳහන් කරනවා.
ඒ අනුව විවෘත සහ සීමිත පදනම යටතේ විභාග පවත්වමින් මෙලෙස උපාධිධාරීන් බඳවාගැනීමට පියවර ගන්නා බව අග්රාමාත්යවරිය වැඩිදුරටත් සඳහන් කළා.
පසුගියදා (18) පාර්ලිමේන්තුවේදී අග්රාමාත්යවරියගේ ප්රධානත්වයෙන් පැවති අධ්යාපන, උසස් අධ්යාපන සහ වෘත්තීය අධ්යාපන අමාත්යාංශයීය උපදේශක කාරක සභා රැස්වීමේදී ඇය මේ බව පැවසුවා.
අධ්යාපන, උසස් අධ්යාපන සහ වෘත්තීය අධ්යාපන අමාත්යාංශයීය උපදේශක කාරක සභාව යටතේ පිහිටුවා ඇති ‘අධ්යාපන සභාව පිහිටුවීම පිළිබඳ අනුකාරක සභාවේ’ සභාපති නියෝජ්ය අමාත්ය මහින්ද ජයසිංහ විසින් ශ්රී ලංකාවේ අධ්යාපන සභාවක් පිහිටුවීම සඳහා නිර්දේශ ඉදිරිපත් කිරීමට පත් කළ කමිටුවේ වාර්තාව අමාත්යාංශයීය උපදේශක කාරක සභාවට ඉදිරිපත් කරනු ලැබුවා.
අමාත්යාංශයීය උපදේශක කාරක සභාව යටතේ පිහිටුවා ඇති අධ්යාපන සභාව පිහිටුවීම පිළිබඳ අනු කාරක සභාව විසින් පත් කළ ශ්රී ලංකාවේ අධ්යාපන සභාවක් පිහිටුවීම සඳහා නිර්දේශ ඉදිරිපත් කිරීමට පත් කළ කමිටුව විසින් සාකච්ඡා වට ගණනාවකින් පසු මෙම වාර්තාව සකස් කර තිබෙනවා.
ඒ, අනුව අදාළ වාර්තාව අමාත්යාංශයේ වෙබ් අඩවියේ පළ කර ප්රසිද්ධ දැන්වීම් මගින් එම වාර්තාව පිළිබඳ මහජන අදහස් සහ යෝජනා ලබාගැනීම සඳහා මාසයක කාලයක් ලබා දීමට මෙහිදී තීරණය වුණා.
මේ අතර, උසස් අධ්යාපන අංශය පිළිබඳ අනුකාරක සභාවේ ප්රගතිය එම අනු කාරක සභාවේ සභාපති, නියෝජ්ය අමාත්ය මධුර සෙනෙවිරත්න විසින් ද පාසල්වල පවතින මානව සම්පත් ඌනතාවය පිළිබඳ අනුකාරක සභාවේ ප්රගතිය එම අනු කාරක සභා සභාපති නියෝජ්ය අමාත්ය කෞෂල්යා ආරියරත්න විසින් ද ඉදිරිපත් කළා.
එසේම, පාසල්වල පවතින භෞතික සම්පත් ඌනතාවය පිළිබඳ අනුකාරක සභාවේ ප්රගතිය එම අනු කාරක සභා සභාපති පාර්ලිමේන්තු මන්ත්රීනී සමන්මලී ගුණසිංහ විසින් ඉදිරිපත් කිරීම මෙහිදී සිදු වුණා.
තවද ජාතික හා පළාත් මට්ටමින් මෙම අමාත්යාංශයට අදාළ කරුණු සම්බන්ධයෙන් පාර්ලිමේන්තු මන්ත්රීවරුන් ඉදිරිපත් කරන ලද විවිධ කරුණු පිළිබඳව ද මෙහිදී අවධානය යොමු වුණා.
ඒ, අනුව ඒවා සම්බන්ධයෙන් අදාළ නිලධාරීන්ගෙන් කරුණු විමසීම සහ ඉදිරි ක්රියාමාර්ග සඳහා උපදෙස් ලබාදීම සිදු කෙරුණා.
wpDiscuz
