සෞඛ්‍ය බලධාරීන්ගේ නිර්දේශවලට පටහැනිව ලබන 14 වැනි දාට යෙදී තිබෙන වැලන්ටයින් දින සාද පවත්වන පුද්ගලයින්ට එරෙහිව දැඩිව නීතිය ක්‍රියාත්මක කරන බව පොලීසිය පවසයි.
පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ අජිත් රෝහණ මහතා සඳහන් කළේ, මෙම දිනය සැමරීමට විවිධ නීතිවිරෝධී සාද, ප්‍රියසම්භාෂණ, සමාජ ජාල හරහා සංවිධානය කර ඇති බවට තොරතුරු වාර්තාවන බවය.
සෞඛ්‍ය බලධාරීන්ගේ අවසරයකින් තොරව කිසිම ආකාරයක සාද, ප්‍රියසම්භාෂණ පැවැත්වීම සම්පූර්ණයෙන්ම තහනම් බව පොලිස් මාධ්‍ය ප්‍රකාශකවරයා පවසයි.
පසුගිය දිනවල කොවිඩ් ආසාදිතයින් වාර්තාවීම පිළිබඳ සලකා බැලීමේදී සාද, විවාහ උත්සව කොවිඩ් රෝගය ව්‍යාප්ත කරවීමට හේතුවක් වූ බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ අජිත් රෝහණ මහතා වැඩිදුරටත් සඳහන් කළේය.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
