කළුතර ප්රාදේශීය ලේකම් කොට්ඨාශයේ කොට්ඨාසයේ, කිතුලාව ග්රාම නිලධාරී වසමේ මිහිකතවත්ත සුනාමි නිවාස ක්රමයේ පවුල් කිහිපයක් නාය යෑමේ අවදානමක් නිසා දැඩි ලෙස පීඩාවට පත්ව සිටිනවා.
ඔවුන් මෙම නිවාස යෝජනා ක්රමයේ පදිංචි වී වසර 12 කට ආසන්න කාලයක් වන බවයි වාර්තා වන්නේ.
එහි ජීවත්වන පවුල් කිහිපයක් පවසන්නේ එම නිවාසවලට ඉහළින් පිහිටි විශාල ප්රමාණය කලු ගලක්, එම නිවාසවලට ඇද වැටීමට ආසන්නව පවතින බවයි.
එම විශාල ගලට අමතරව ඒ අසල පිහිටි තවත් කඳු රැසක්ම වන විට නාය යාමේ මූලික ලකුණු පහළ වී ඇති බවටද ඔවුන් පවසනවා.
ප්රදේශවාසීන් වැඩිදුරටත් කියා සිටින්නේ මේ තත්ත්වය ඉතාමත්ම බරපතල තත්වයක් බවත්, මේ වන විටත් එම කන්දෙන් ජල ධාරාවක් ඇද හැලෙමින් පවතින බවත්, මේ නිසා එමඟින් කන්ද මුදුනේ පිහිටි විශාල ප්රමාණයේ කළුගල කොයි මොහොතක හෝ පෙරළීමට ආසන්න බවයි.
මෙම දැඩි අවදානම් තත්ත්වය නිසා එම ජනතාව රාත්රී කාලයේ රැය පහන් නොකර ජීවිත අවදානම ඇතුව ජීවත්වන බව ඔවුන් පවසනවා.
ඔවුන් බලධාරීන්ගෙන් ඉල්ලා සිටින්නේ කෙසේ හෝ ඔවුන්ගේ ජීවිත ආරක්ෂාවවන ආකාරයට මෙම පස් කන්දට ආරක්ෂිත බැම්මක් ඉදිකොට ඔවුන්ගේ ජීවිත සුරක්ෂිතකර දෙන ලෙසයි.
