Rajapura Handi Oil
Rajapura Diabetic Powder

මිලෙන් අධික විස්කි හා සිගරට් මෙරටට හොරෙන් ගේන්න හැදූ ව්‍යාපාරිකයෙක් අත්අඩංගුවට

රුපියල් කෝටියක් පමණ වටිනා විස්කි බෝතල් තොගයක් සහ විදේශීය රටක නිෂ්පාදිත දුම්වැටි තොගයක් නීතිවිරෝධී ලෙස මෙරටට ගෙනැවිත්, කටුනායක ගුවන් තොටුපොළෙන් පිටකර ගෙන යාමට තැත් කිරීමේ දී එම භාණ්ඩ සහ එය ගෙනා ගුවන් මගියා අපරාධ පරීක්ෂණ දෙපාර්තමේන්තු නිලධාරීන් විසින් අත්අඩංගුවට ගනු ලැබුවා.

ගුවන්තොටුපොළ අප වාර්තාකරු පැවසුවේ අද (16) අලුයම 05.00ට ඩුබායි සිට ශ්‍රී ලන්කන් ගුවන් සේවයේ යූ.එල්.- 226 දරන ගුවන් යානයෙන් සැකකරු මෙරටට පැමිණ ඇති බවයි.

මොහු නුවරඑළිය – ලිඳුල ප්‍රදේශයේ පදිංචි 31 හැවිරිදි වියේ පසුවන, ව්‍යාපාරිකයෙකු බවයි හෙළිව ඇත්තේ.

සැකකරු රැගෙන ආ ගමන් මළු තුළ මිලෙන් අධික විස්කි බෝතල් 69ක් සහ විදේශීය රටක නිෂ්පාදිත දුම්වැටි 2,380ක් ද සොයාගැනුණා.

වැඩිදුර විමර්ශන කටයුතු කටුනායක ගුවන් තොටුපොළ රේගු නිලධාරීන් විසින් සිදු කරනු ලබනවා.