රුපියල් මිලියන 69කට අධික දළ වීථි වටිනාකමින් යුත් කේරළ ගංජා තොගයක් යාපනය වත්තිරායන් වෙරළේදී නීතියේ රැහැනට
ශ්රී ලංකා නාවික හමුදාව, පොලිස් විශේෂ කාර්ය බළකාය හා එක්ව යාපනය කිලිනොච්චි වත්තිරායන් වෙරළ ප්රදේශයේ අද (04) උදෑසන සිදුකළ විශේෂ සෝදිසි මෙහෙයුමක දී, එම වෙරළ ප්රදේශයේ තිබූ කේරළ ගංජා කිලෝග්රෑම් 174යි ග්රෑම් 126ක පමණ තොගයක් නීතියේ රැහැනට හසුකර ගැනීමට කටයුතු කෙරුණා.
නාවික හමුදා මාධ්ය අංශය නිවේදනය කළේ උතුරු නාවික විධානයේ නාවික ස්ථානගත කිරීම් වෙත්තලකේනී ආයතනය, මරුතන්කර්නි පොලිස් විශේෂ කාර්ය බළකාය හා එක්ව මෙම මෙහෙයුම සිදු කළ බවයි.
වෙරළට ආසන්න කැලෑබඳ ප්රදේශයේ තිබූ සැක කටයුතු උර 07ක් නිරීක්ෂණය කර පරික්ෂාවට ලක් කෙරුණා.
එම උර හතෙහි පාර්සල් 84ක අසුරන ලද කේරළ ගංජා තොගය තිබී සොයාගෙන තිබෙනවා.
අත්අඩංගුවට ගත් මෙම කේරළ ගංජා තොගයේ දළ වීථි වටිනාකම රුපියල් මිලියන 69කට අධික වෙතැයි විශ්වාස කෙරෙන අතර, එම කේරළ ගංජා තොගය ඉදිරි නීතිමය කටයුතු සඳහා මරුතන්කර්නි පොලිස් විශේෂ කාර්ය බළකාය වෙත වෙත භාරදීමට කටයුතු කෙරුණා.
