යාපනය- චාවකච්චේරි ප්‍රදේශීය ලේකම් කාර්යාලය සේවයේ නිරත සහකාර ප්‍රාදේශීය ලේකම්වරියගේ මරණය ඝාතනයක් බවට සැක කරමින් ඇයගේ පියා විසින් පැමිණිල්ලක් ඉදිරිපත් කිරීම හේතුවෙන් නැවත පරීක්ෂණ කටයුතු ආරම්භ කරන ලද බව කෝපායි පොලිසිය පැවසුවා.
පසුගිය පෙබරවාරි මස 08 වනදා ඇති වූ ගිනිගැනීමක් හේතුවෙන් 35 හැවිරිදි සහකාර ප්‍රාදේශීය ලේකම්වරිය වූ තමිලනී සතීස් මහත්මිය දරුණු පිළිස්සුම් තුවාල ලබා යාපනය ශික්ෂණ රෝහලට ඇතුළත් කිරීමෙන් අනතුරුව මරණයට පත් වුණා.
ඒ වන විටත් ඇය මාස 06ක ගැබිනියක්ව සිටි බවයි වෛද්‍ය පරීක්ෂණවලින් අනාවරණය වූයේ.
පසුව සහකාර ප්‍රාදේශීය ලේකම්වරියගේ සැමියා පොලිසියට පවසා ඇත්තේ සිය බිරිඳ කාමරයක් තුළ ඉටිපන්දමක් දැල්වීමට යාමේ දී එකවරම සිරුරට ගිනි ඇවිලුණු බවයි.
කෙසේවෙතත් සහකාර ප්‍රාදේශීය ලේකම්වරියගේ සිරුර භූමදානය කළ අතර ම ඇගේ පියා විසින් සිය දියණියගේ මරණය පිළිබඳ ව සැමියා සැක කරන බවටත් එම මරණය ඝාතනයක් බවට සැක කරන බව ද පොලිසියට සඳහන් කර තිබෙනවා.
මේ හේතුවෙන් අදාළ පැමිණිල්ලට අනුව අධිකරණයට කරුණු ගොනුකොට ඉදිරි පරීක්ෂණ සිදු කිරීමට නියමිත යි.
