මිනිස්සුන්ට කන්න දෙන ගුල්ලෝ ගහපු හාල්

අනුරාධපුර පාරිභෝගික සේවා නිලධාරීන්ට ලද තොරතුරකට අනුව කැකිරාව ගනේවල්පල ප්‍රදේශයේ පිහිටා තිබූ වී මෝලක ගබඩාවක් තුළ සඟවා තිබී පිටරටින් ආනයන කල සහල් කිලෝ 50 ඇසුරුම් 4000කට අධික ප්‍රමානයක් සොයාගනු ලැබුවා.එම ගබඩා හිමිකරුවන් සන්තකව මේ සහල් ලඟ තබා ගැනීමට අදාල කිසිදු නීතිමය ලියවිල්ල එම ගබඩාවේ සිටි අයවලුන් ලග තිබී නැහැ.

එමෙන් ම එම ගබඩාවේම තවත් පසෙක භාවිතයට නුසුදුසු සහල් කිලෝ 50 ඇසුරුම් 450 ප්‍රමානයක් තිබී ඇති බව අප වාර්තාකරුවන් පවසනවා. ලැබුනු තොරතුරු අනුව සදහන් වී තිබුනේ එම ස්ථානයේ මෙම විදෙස් සහල් සමග පරිභෝජනයට නුසුදුසු සහල් කලවම් කර නැවත ඇසුරුම් කරන බවය.කෙසේ නමුත් වැටලීම කරන අවස්ථාවේ එම ස්ථානයේ එවන් ක්‍රියාකාරකමක් සිදු නොවුනු බව වාර්ථා කරුවන් වැඩි දුරටත් සදහන් කර සිටියා.