පසුගිය මැයි මස 09 වනදා ඇති වූ කලහකාරී තත්ත්වය හමුවේ ප්‍රහාරවලින් විනාශ වූ ශ්‍රී ලංකා පොදුජන පෙරමුණේ මන්ත්‍රීවරුන්ගේ නිවාස යළි සාදා දීමට වැඩබලන ජනාධිපති රනිල් වික්‍රමසිංහ තීරණය කර ඇති බව වාර්තා වනවා.
මේ සම්බන්ධයෙන් එම මන්ත්‍රීවරුන් සමඟ වැඩබලන ජනාධිපතිවරයා දුරකථනය ඔස්සේ අදහස් හුවමාරු කරගෙන ඇති බවයි දේශපාලන ආරංචි මාර්ග සඳහන් කළේ.
අදාල දේපළ විනාශ කිරීම්වලට සම්බන්ධ පුද්ගලයන්ට දැඩිව නීතිය ක්‍රියාත්මක කරන බවත් වැඩබලන ජනාධිපතිවරයා එම මන්ත්‍රීවරුන්ට පවසා ඇති බව සඳහන්.
විනාශයට පත් වූ මැති ඇමැතිවරුන්ගේ දේපළ සම්බන්ධයෙන් වාර්තාවක් ලබාදෙන ලෙස වැඩබලන ජනාධිපතිවරයා නිලධාරීන්ට උපදෙස් ලබා දී ඇති බවයි දේශපාලන ආරංචි මාර්ග වැඩි දුරටත් සඳහන් කළේ.
පසුගිය මැයි මස 09 වනදා ඇති වූ ප්‍රචණ්ඩ ක්‍රියාවලින් දේශපාලනඥයින් 80කට අසන්න පිරිසකගේ නිවාස හා දේපළවලට හානි සිදුකර තිබෙනවා.
