නැගෙනහිර ඇෆ්ගනිස්ථානයේ පකිස්ථාන කාලතුවක්කු සහ මෝටාර් ප්රහාරවලින් දරුවන් දෙදෙනෙක් ඇතුළු එකම පවුලේ සාමාජිකයින් සිව් දෙනෙකු මිය ගොස් ඇති බව තලේබාන් රජය පවසනවා.
බ්රහස්පතින්දා වාර්තා වූ මරණ සංඛ්යාව අඟහරුවාදා සිට ඇෆ්ගනිස්ථානයේ දේශසීමා ගැටුම්වලින් මියගිය පුද්ගලයින් හත් දෙනෙකු දක්වා ඉහළ නංවන බවයි කාබුල්හි බලධාරීන් පවසන්නේ.
එක්සත් ජනපදය සහ ඊශ්රායලය ඉරානයට පහර දීමට දින දෙකකට පෙර, පාකිස්තාන තලේබාන්වරුන් ඉලක්ක කරගත් පාකිස්තාන ගුවන් ප්රහාරවලට පළිගැනීමක් ලෙස ඇෆ්ගනිස්ථානය ඔවුන්ගේ බෙදාගත් දේශසීමාව ඔස්සේ ප්රහාරයක් දියත් කළ පෙබරවාරි 26 වන දින දෙරට අතර සටන් තීව්ර කෙරුණා.
එය පුළුල් කලාපීය යුද්ධයක් ලෙස ප්රකාශ කළා .
රජයේ නියෝජ්ය ප්රකාශක හම්දුල්ලා ෆිත්රාත් පැවසුවේ බ්රහස්පතින්දා අලුයම කොස්ට් පළාතේ සඩ්කෝ ගම්මානයේ නවතම මරණ සිදුවී ඇති බවත්, පාකිස්තානය හිතාමතාම සිවිල් නිවාස සහ සංචාරකයින්ගේ කූඩාරම් ඉලක්ක කර ගත් බවට ඔහු චෝදනා කළා.
පෙබරවාරි 26 සිට මාර්තු 5 දක්වා පකිස්ථාන හමුදා මෙහෙයුම් මගින් ළමුන් 24 දෙනෙකු ඇතුළුව සිවිල් වැසියන් 56 දෙනෙකු ඇෆ්ගනිස්ථානයේ මිය ගොස් ඇති බව එක්සත් ජාතීන්ගේ මෙහෙයුම පවසා තිබෙනවා .
තනි පුද්ගල සටන්වලින් සොල්දාදුවන් 150 කට වැඩි පිරිසක් මිය ගිය බව තලේබාන් සංවිධානය ප්රකාශ කරන අතර, පකිස්ථාන නිලධාරීන් විසින් සොල්දාදුවන් 12 දෙනෙකු පමණ මිය ගොස් 27 දෙනෙකු තුවාල ලබා ඇති බව තහවුරු කර තිබෙනවා.
එක්සත් ජාතීන්ගේ සංවිධානයට අනුව, ගැටුම් හේතුවෙන් 115,000 ක් පමණ ජනතාවට තම නිවාස හැර යාමට බල කෙරෙනවා.
