පෞරාණික වටිනාකමක් ඇති බවට සැක කෙරෙන මැණික් ගලක් රුපියල් කෝටි හතරහමාරකට අලෙවි කිරීමට ගිය පුද්ගලයන් දෙදෙනෙකු පොලිස් විශේෂ කාර්ය බලකායේ අත්අඩංගුවට ගෙන තිබෙනවා.
මැදවච්චිය කැබිතිගොල්ලෑව මාර්ගයේ පිහිටි මහදිවුල්වැව ප්රදේශයේදී කළ මෙහෙයුමකදීයි සැකකරුවන් අත්අඩංගුවට ගැනුනේ.
ලැබුණු තොරතුරකට අනුව සිදුකළ හදිසි වැටලීමකදී අත්අඩංගුවට ගෙන ඇත්තේ බිංගිරිය සහ මන්ඩාවෙල යන ප්රදේශවල පදිංචි අවුරුදු 41 සහ 53 යන වයස් සීමාවන්වල පසුවූ දෙදෙනෙක්.
පෞරාණික වටිනාකමක් ඇති මැණික් ගලක් මන්නාරම ප්රදේශයේ පුද්ගලයකුට විකිණීම සඳහා දෙදෙනෙකු කැබ්රථයකින් A9 මාර්ගයේ පැමිණෙන බවට විශේෂ කාර්ය බළකා නිලධාරීන්ට තොරතුරු ලැබී තිබුණා.
ඒ අනුව ඔවුන් මැදවච්චිය මහදිවුල්වැව ප්රදේශයේදී මාර්ගය හරස් කර කැබ් රථය නවතා සිදු කළ පරික්ෂාවේදී යි අදාළ මැණික් ගල් සමග සැකකරුවන් අත් අඩංගුවට ගැනීමට හැකි වී ඇත්තේ.
සැකකරුවන් මැදවච්චිය පොලිසියට බාරදීමෙන් පසුව මැදවච්චිය මහේස්ත්රාත් අධිකරණයට ඉදිරිපත් කිරීමට නියමිතව තිබුණා.
