ත්‍රීරෝද රථයක් හා ලොරි රථයක් එකිනෙක ගැටීමෙන් කුඩා දරුවෙකු මියගොස් තවත් සිව්දෙනෙකු බරපතළ තුවාල ලබා රෝහල්ගත කර තිබෙනවා.
දසත ප්‍රාදේශීය වාර්තාකරු පැවසුවේ මෙම අනතුර පොළොන්නරුව – සෝමාවතිය මාර්ගයේ දී ඊයේ (08) රාත්‍රියේ දී සිදු ව ඇති බවයි.
අනතුරින් මාස 09ක් වන කුඩා බිළිඳු දරුවෙකු මරණයට පත් ව තිබෙනවා.
අනතුරට ලක් ව රෝහල්ගත කළ පිරිස පොළොන්නරුව – කලහගල ප්‍රදේශයේ පදිංචිකරුවන්.
අනතුර සිදුවන අවස්ථාවේ ත්‍රීරෝද රථය පොළොන්නරුව – සේවාගම ප්‍රදේශයේ සිට පොළොන්නරුව බලා ධාවනය වෙමින් පැවති අතර අනතුරට පත් ලොරි රථය පොළොන්නරුව දෙස සිට සේවාගම දෙසට ධාවනය වෙමින් සිට ඇති බවයි වාර්තා වන්නේ.
අනතුර සිදුවන අවස්ථාවේ ත්‍රීරෝද රථය තුළ පුද්ගලයින් පස් දෙනෙකු ගමන් කර තිබෙනවා.
තුවාලකරුවන් මේ වනවිට පොළොන්නරුව මහ රෝහලේ ප්‍රතිකාර ලබන අතර ඉන් දෙදෙනකුගේ තත්ත්වය බරපතළ බවයි පැවසෙන්නේ.
ලොරි රථයේ රියදුරුගේ අපරික්ෂාකාරී රිය ධාවනය අනතුරට හේතුව වී තිබෙනවා.
63 හැවිරිදි ලොරි රථයේ සැකකරු පොළොන්නරුව පොලිසිය විසින් අත්අඩංගුවට ගනු ලැබුවා.
සැකකරු අද (09) පොළොන්නරුව මහේස්ත්‍රාත් අධිකරණයට ඉදිරිපත් කිරීමට නියමිතයි.
