ජාතික ජනබලවේගයට බලය හිමි රයිගම්, උඩුගහපත්තුව විවිධ සේවා සමූපකාර සමිතියේ සභාපති ඩී.එස්.කේ වන්නිආරච්චි
එම ධුරයෙන් ඉල්ලා අස්වී තිබෙනවා.
මේ වනවිට එම සමූපකාර සමිතිය දැඩි දේශපාලන බලපෑමකට ලක්ව ඇති බවයි ඔහු සිය ඉල්ලා අස්වීමේ ලිපිය මඟින් සඳහන් කරන්නේ.
ඒ, අනුව දේශපාලන බලපෑම් සමඟ කටයුතු කිරීමට නොහැකි බව පවසමින් තමා සභාපති තනතුරින් ඉල්ලා අස්වන බවයි එම ලිපිය මඟින් දන්වා ඇත්තේ.
එමෙන්ම සමූපකාර නීති පිළිබදව අවබෝධයන් නොමැති පුද්ගලයින් ඉදිරියේ රූකඩයක් ලෙස පෙනී සිටිමින් සභාපති ධුරය හෑල්ලුවට ලක් කිරීමට ඇති අකමැත්ත ද ඔහු සිය ඉල්ලා අස්වීමේ ලිපිය මඟින් දක්වා තිබෙනවා.
