අමාත්ය නලින්ද ජයතිස්ස විසින් පසුගිය දිනක පාර්ලිමේන්තුවේදී මාලිනී ෆොන්සේකාට ජනාධිපති අරමුදලෙන් මුදල් ලබාදීම සම්බන්ධයෙන් සිදුකළ ප්රකාශයක් සම්බන්ධව මාධ්යවේදීන් ප්රශ්න කර සිටියා.
ඒ, අද (27) පැවැති අමාත්ය මණ්ඩල තීරණ දැනුම්දීමේ ප්රවෘත්ති සාකච්ඡාවට එක්වෙමින්.
එම ප්රශනයට පිළිතුරු දෙමින් අමාත්ය නලින්ද ජයතිස්ස සඳහන් කළේ,
“මම පාර්ලිමේන්තුවේදී ඉදිරිපත් කළේ පාර්ලිමේන්තු මන්ත්රීවරුන් විසින් ජනාධිපති අරමුදලින් ලබාගත් අරමුදල් සම්බන්ධව තොරතුරු. එතන මිලියන 1,220ක් සම්බන්ධයෙන් ඒ තොරතුරු. එතන කෙහෙළිය රඹුක්වැල්ල, රාජිත සේනාරත්න, දිමු ජයරත්න, දයාසිරි ජයසේකර, ඇතුළු මේ පාර්ලිමේන්තු මන්ත්රීවරු විසින් ලබාගත් අරමුදල් සම්බන්ධව තමයි මම පාර්ලිමේන්තුවට ඉදිරිපත් කළේ.”
ප්රශ්නය – ගොඩක් අධ්යක්ෂවරු පවා දුක හිතිලා හිටියේ සිද්ධිය සම්බන්ධයෙන්, නමුත් ඔබතුමා තාමත් සමාව ගන්නවත් කණගාටුව පළ කරන්නවත් මැලිවෙනවා ?
“මම හිතන්නේ මේක විකෘති කරලා පසුගිය දවස් කීපයේ තමයි මේක වාර්තා කරලා තිබුණේ. අපි ජනාධිපති අරමුදලෙන් මුදල් ගත්ත අය සම්බන්ධයෙන් වාර්තාවක් ඉදිරිපත් කළා. ඒක තවත් කලාකරුවන්ට ලබාදීලා තියෙනවා. ලබා දෙන්නත් පුළුවන්. කලාකරුවන්ට ලබාදුන් වාර්තාවක් අපි ඉදිරිපත් කළේ නැහැ. ඒ සම්බන්ධයෙන් ලොකු ප්රශ්නයක් ඇති කරගන්න අවශ්ය නෑ. මාලිනී ෆොන්සේකා මහත්මිය සම්බන්ධයෙන් අපිට නිසි ගෞරවය තියෙනවා.”
