කඳාන, දොළහේන ප්‍රදේශයේ නිවසක ඇති වූ ආරවුලක් අතර තුර සිදුකළ පහරදීමකින් 28 හැවිරිදි පුද්ගලයෙකු ඝාතනයට ලක්ව තිබෙනවා.
ඊයේ (02) රාත්‍රියේ මෙම ඝාතනය සිදුව ඇති අතර, ඝාතනය ලක් වූ පුද්ගලයාගේ බිරිඳගේ පියා විසින් මෙම අපරාධය සිදුකර ඇති බවයි පොලිසිය පැවසුවේ.
මරණකරු බිරිඳගෙන් මුදල් ඉල්ලා ඇති වූ ආරවුලක් දුරදිග යාම හේතුවෙන් බිරිඳගේ පියා විසින් පොල්ලකින් පහර දී මෙම ඝාතනය සිදුකර ඇති බවයි හෙළිව ඇත්තේ.
අපරාධය සිදුකළ 57 හැවිරිදි සැකකරු අත්අඩංගුවට ගෙන ඇති අතර, ඔහු හෙට (04) දිනයේ වැලිසර මහේස්ත්‍රාත් අධිකරණය හමුවට ඉදිරිපත් කිරීමට නියමිත බව පොලිසිය පැවසුවා.
සිද්ධිය සම්බන්ධයෙන් කඳාන පොලිසිය වැඩිදුර විමර්ශන සිදුකරනු ලබනවා.
