මල්වතුහිරිපිටිය, විහාරස්ථානයක හිමිනමක් ඝාතනය කිරීමේ සිද්ධියට සම්බන්ධ වාහනයේ රියදුරු ලෙස කටයුතු කල බවට සැකකෙරෙන පුද්ගලයා පොලිසිය විසින් අත්අඩංගුවට ගෙන තිබෙනවා.
බස්නාහිර පළාත උතුර අපරාධ කොට්ඨාසයේ නිළධාරීන් කණ්ඩායමකට ලද තොරතුරක් මත ඔහු අත්අඩංගුවට ගත් බවයි පොලිසිය සඳහන් කළේ.
අත්අඩංගුවට ගත් 29 හැවිරිදි සැකකරු සන්තකයේ තිබී අවිආයුධ සහ දේපල රැසක් විමර්ශන නිළධාරීන් විසින් සිය භාරයට ගෙන තිබෙනවා.
ඒ අනුව විදේශ රටක නිෂ්පාදිත ජීව අත්බෝම්බ 01 ක්, ටී 56 ගිනි අවි 01 ක්, ටී 56 උණ්ඩ 15ක්, ටී56 උණ්ඩ යෙදිය හැකි පතොරම් ගැබ් 02 ක්, මි.මී. 9 පිස්තෝල අවි 01 ක්, මි.මී. 9 පිස්තෝල උණ්ඩ 02 ක්, මි.මී. 9 පිස්තෝල උණ්ඩ යෙදිය හැකි පතොරම් ගැබ් 01 ක්, අයිස් මත්ද්‍රව්‍ය ඔහු සන්තකයේ තිබී සොයාගත්තා.
ව්‍යාජ අංක තහඩු සහිත යතුරු පැදියක්, අපරාධය සදහා යොදාගත් මෝටර් රථයේ යතුර සහ ජංගම දුරකථනයක්ද ඔහු සන්තකයේ තිබී සොයාගත් බව පොලිසිය සඳහන් කළා.
