මම සහන දෙන්නේ ජනතාව පොහොසත් කරවීමටයි – ජනපති

තම රජයක් යටතේ ජනතාවට සහන ලබා දෙන්නේ ඔවුන් ව පොහොසත් කරවීමට බව ජනාධිපති රනිල් වික්‍රමසිංහ පවසනවා.

අද (10) පස්වරුවේ මැදවච්චිය නගරයේ දී පැවති ජන රැලියක් අමතමින් ජනාධිපතිවරයා මේ බව කියා සිටියා.

සජිත්ගේ සහ අනුරගේ ප්‍රතිපත්තිය ජනතාව සැමදා දුප්පත්කමේ තබා දේශපාලනය කිරීම බවත්; මෙවර ජනාධිපතිවරණයේ දි රටේ ජනතාව තමා සමඟ එක්විය යුත්තේ එම වෙනස සඳහා බවත් ජනාධිපතිවරයා සඳහන් කළා.

දුප්පත් ගම්මාන වෙනුවට පොහොසත් ගම්මාන ඉදිරි දශකය තුළ රජරට ඇති කර, අතීත සශ්‍රීකත්වය නැවත ගෙන ඒමට තමන් කටයුතු කරන බව ද ජනාධිපති වික්‍රමසිංහ මහතා පැවසුවා.

ගොවි ජනතාව නඟා සිටුවීමේ වැඩපිළිවෙළක් ද රජය මේ වන විට ආරම්භ කර ඇති බවයි හෙතෙම වැඩිදුරටත් පැවසුවේ.