පාදුක්ක, තුන්නාන ප්‍රදේශයේ පිහිටි වෙන්දේසි ඉඩමක තිබී වෙඩි තබා ඝාතනය කළ පුද්ගලයින් දෙදෙනෙකුගේ මළ සිරුරු දෙකක් පොලිසිය විසින් සොයාගෙන තිබෙනවා.
පොලිස් හදිසි ඇමතුම් අංකයට ලැබුණු තොරතුරක් මත අද (25) අලුයම දෙකට පමණ මෙම මළ සිරුරු දෙක සොයාගත් බවයි පාදුක්ක පොලීසිය සඳහන් කළේ.
අදාළ ඉඩමේ නවතා තිබූ අළු පැහැති ජීප් රථයක් තුළ තිබී එක් මළසිරුරක් සොයාගෙන ඇති අතර, ඊට ආසන්නයේ තිබිය දී අනෙක් මළ සිරුර සොයාගැනීමට හැකිව තිබෙනවා.
ජීප් රථය තුළ තිබිය දී සොයාගත් මළ සිරුර පාතාල කල්ලි සාමාජික කාරියවසම් අතුකෝරලාගේ රොෂාන් ඉන්දික නොහොත් මන්න රොෂාන්ගේ බවටයි හඳුනාගෙන ඇත්තේ.
අනෙක් මළ සිරුර මන්න රොෂාන්ගේ ගෝලයෙකුගේ බවටයි පොලීසිය සැකපළ කරන්නේ.
ඔබේ ප්‍රතිචාරය කුමක්ද ?
+1
9
+1
1
+1
19
+1
1
+1
+1
3
+1
6
