ඩුබායි රාජ්යයේ සැඟව සිටින සංවිධානාත්මක අපරාධ කල්ලි නායකයෙකු මෙන්ම මත්ද්රව්ය ජාවාරම්කරුවෙකු වන මන්නා රමේෂ්ගේ මත්ද්රව්ය ජවාරමට සම්බන්ධ කාන්තාවක් රුපියල් මිලියන 05ක පමණ මත්ද්රව්ය සමඟ අත්අඩංගුවට ගෙන තිබෙනවා.
යුක්තිය මෙහෙයුම යටතේ සීතාවක කොට්ඨාශ බුද්ධි අංශයට ලැබුණු තොරතුරකට අනුවයි වැටලීම සිදු කර ඇත්තේ.
සැකකාරිය සතුව තිබී හෙරොයින් ග්රෑම් 70ක්, අයිස් මත්ද්රව්ය ග්රෑම් 91ක්, ජංගම දුරකථන 03ක් සහ කුඩා තරාදියක් ද පොලිස් භාරයට ගැනුණා.
මන්නා රමේෂ්ට අයිති යාලේගම පිහිටි නිවසේ සිට 30 හැවිරිදි පුද්ගලයෙකු සහ ඔහුගේ බිරිඳ වන මෙම 27 හැවිරිදි සැකකාරිය විසින් මත්ද්රව්ය ජාවාරම සිදුකර ඇති බව සඳහන්.
වැටලීම සිදුකරන අවස්ථාවේ මෙම කාන්තාවගේ සැමියා පලාගොස් ඇති බව පොලිසිය ප්රකාශ කළා.
අත්අඩංගුවට පත් සැකකාර කාන්තාව සහ මත්ද්රව්ය ජාවාරම මෙහෙයවන මන්නා රමේෂ් නම් සැකකරුට අයත් බැංකු ගිණුම් කිහිපයක් සම්බන්ධයෙන් ද මේ වන විට පොලිස් පරීක්ෂණ ආරම්භ කර තිබෙනවා.
සැකකාරිය අද අවිස්සාවේල්ල මහේස්ත්රාත් අධිකරණයට ඉදිරිපත් කර රඳවාගෙන ප්රශ්න කිරීමේ නියෝගයක් ලබාගැනීමට නියමිතයි.
