මන්නාරම තාල්වුපාඩු මැතිව් වීදිය ප්රදේශයේදී බලපත්ර නොමැතිව මත් කරන් දෙලක්ෂ හත් දහසක් ළග තබාගෙන සිටි සැකකරුවෙකු මන්නාරම කොට්ඨාස දූෂණ මර්දන අංශය විසින් අත්අඩංගුවට ගෙන තිබෙනවා.
ලැබුණු තොරතුරකට අනුවයි ඊයේ දහවල් මෙම වැටලීම සිදුකර ඇත්තේ.
22 හැවිරිදි මෙම සැකකරු තාල්වුපාඩු ප්රදේශයේම පදිංචිකරුවෙක්.
පොලිසිය සඳහන් කළේ මෙම පුද්ගලයා මත්කරල් තොගය සමග වැඩිදුර විමර්ශන සඳහා මන්නාරම පොලිසියට ඉදිරිපත් කර ඇති බවයි.
සැකකරු මත්පෙති තොගයක් සමඟ පළමුව අත්අඩංගුවට ගෙන තිබු අතර පසුව සිදු කළ වැඩිදුර ප්රශ්න කිරීම්වලදී වෙරළේ වළ දමා තිබු තවත් මත්පෙති තොගයක් සොයා ගැනීමට හැකිවූ බවයි පොලිසිය ප්රකාශ කළේ.
මෙම පුද්ගලයා මත්පෙති බෙදා හැරීමේ ජාවාරම සිදු කර ඇති අතර, ජාවාරමට සම්බන්ධ අනෙකුත් සැකකරුවන් අත්අඩංගුවට ගැනීමට පරීක්ෂණ ක්රියාත්මකයි.
මෙම මත් කරල් තොගයේ වටිනාකම මෙතෙක් තක්සේරු කර නැහැ.
සැකකරු හා අත්අඩංගුවට ගත් මත්පෙති තොගය මන්නාරම මහේස්ත්රාත් අධිකරණයට ඉදිරිපත් කිරීමට නියමිතයි.
