විෂ මත්ද්රව්ය පරදන, ” රටම එකට – ජාතික මෙහෙයුම ” වැඩසටහන අද (30) ජනාධිපති අනුර කුමාර දිසානායකගේ ප්රධානත්වයෙන් කොළඹ සුගතදාස ගෘහස්ථ ක්රීඩාංගනයේදී ආරම්භ වුණා.
මෙම සමාරම්භක උත්සවය අමතමින් ජනාධිපතිවරයා පවසා සිටියේ මෙම මත්ද්රව්යයට එරෙහිව රටේ සියලු පාර්ශව එක් විය යුතු බවයි.
මත්ද්රව්ය සහ විවිධ අපරාධයන්ට සම්බන්ධ අපරාධකරුවන්ට දේශපාලන බලය තුලින් ප්රතික්ෂේප කරන බවද ජනාධිපතිවරයා පවසා සිටියා.
”දේශපාලන අධිකාරිය විසින් ආරෝපිත බලයක් ලබාදීලා තියෙනවා මෙම මේ අපරාධකරුවන්ට, මම එකක් කියන්නම්, අපේ දේශපාලන බලය එය ප්රතික්ෂේප කරනවා.අපි අද එක රැස් වී සිටින්නේ අපේ රටේ වෙලාගෙන තියෙන මායාකාරී ව්යවසනය පරාජයට පත් කිරීමේ අරමුණෙන්.අපේ දරු පරම්පරාව, අපේ පොදු සමාජය, අපි ජාතියක් හැටියට මේ මායාකාරී ව්යවසනය ගොඳුරු බවට පත් වෙමින් තියෙනවා.මේ මං සන්ධියේදී නිශ්චිත ලෙස අපට තෝරාගත් හැකි මාවත් දෙකක් තියෙනවා.එකක් මේ දේ මේ විදියටම සිදුවෙන්න ඉඩ දීලා, පාඩුවේ බලාගෙන යමක කරමින් සිටින එක. දෙවනි මාවත මෙයට එරෙහිව හැප්පෙන එක. මම කියන්න කැමති මමත්, අපේ ආණ්ඩුවත් මේකට එරෙහිව හැප්පෙන්න තීරණාත්මක තීන්දුවක් අරගෙන තියෙනවා.” යැයි ජනාධිපතිවරයා මෙහෙදී වැඩිදුරටත් සඳහන් කළා.
මෙම සමාරම්භක උත්සවය සඳහා ජනාධිපතිවරයාට අමතරව අගමැතිවරිය ඇතුළු කැබිනට් මණ්ඩලය, පොලිසිය, ත්රිවිධ හමුදා ප්රධානීන්, ක්රීඩකයින් ඇතුළු විශාල පිරිසක් එක්ව සිටියා.
