පවතින ආර්ථික අර්බුදය හමුවේ දේශපාලනය කිරීමට සුදුසු පරිසරයක් අද වනවිට රට තුළ නොපවතින බව මුදල් රාජ්ය අමාත්ය ශෙහාන් සේමසිංහ පසනවා.
අනුරාධපුර ප්රදේශයේ දී අද (22) මාධ්ය වෙත දහස් දක්වමින් රාජ්ය අමාත්යවරයා මේ බව සඳහන් කළා.
එහිදී අමාත්යවරයා වැඩිදුරටත් සඳහන් කළේ අද වනවිට මහා භාණ්ඩාගාරය බරපතල තත්ත්වයක පවතින බවයි.
එමෙන්ම මැතිවරණය පැවැත්වීම හෝ නොපැවැත්වීම සම්බන්ධයෙන් තීරණය ගැනීමේ වගකීම ඇත්තේ මැතිවරණ කොමිසමට බවත් එයට බලපෑම් කිරීමට රජයට හැකියාවක් නොමැති බවත් ඔහු එහිදී වැඩිදුරටත් අදහස් දක්වමින් සඳහන් කළා.
“මැතිවරණය කල් දැමීම හෝ පැවැත්වීමට සම්බන්ධයෙන් රජයට බලපෑමක් කිරීමට හැකියාවක් නැහැ. එය පැවරිලා තියෙන්නේ මැතිවරණ කොමිසමට. මැතිවරණ කොමිසම අදාල පාර්ශ්වයන් සමඟ සාකච්ඡා කරලා මැතිවරණ පැවැත්වීම හෝ නොපැවතීම හෝ කියන කාරණා පිළිබඳව තීන්දුවක් ගත යුත්තේ. මේ සම්බන්ධයෙන් රජයට වගකීම පැවරීම සුදුසු නැහැ. ඒ සඳහා අදාළ පාර්ශවයන්ගෙන් තොරතුරු විමසලා මැතිවරණය තිබිය යුතු ද නැද්ද කියන කාරණය පිළිබඳ පිළිබඳ සුදුසු තීරණයක් ගත යුතුයි.”
