ඉරානය සමඟ එක්සත් ජනපද-ඊශ්රායල් යුද්ධය උග්ර වන පසුබිමක අද (17) උදෑසන වනවිට ලෝක වෙළඳපොළේ බොරතෙල් මිල ඉහළ ගොස් තිබෙනවා.
ඒ, අනුව බ්රෙන්ට් වර්ගයේ තෙල් බැරලයක් 2.8% කින් මිල ඉහළ ගොස් ඇති අතර එය මේ වනවිට ඩොලර් 103.08ක් ලෙස පවතිනවා.
එමෙන්ම එක්සත් ජනපදය වෙළඳාම් කරන බොරතෙල් බැරලයක් 3% කින් පමණ ඉහළ ගොස් ඇති බවයි වාර්තා වන්නේ.
ඒ, අනුව එම බොරතෙල් බැරලයක් මේ වනවිට ඩොලර් 96.25 දක්වා මිල ඉහළ ගොස් ඇති බවයි වාර්තාවල දැක්වෙන්නේ.
මේ අතර ගෝලීය බලශක්ති අර්බුදයට පිළියම් වශයෙන් ජාත්යන්තර බලශක්ති ඒජන්සියේ සාමාජික රටවල් සතු හදිසි තෙල් සංචිත ඉදිරියේ දී අවශ්යතාවය පරිදි තවදුරටත් මුදාහැරීමට හැකි බව එම ඒජන්සියේ විධායක අධ්යක්ෂ ෆාති බිරෝල් පවසනවා.
පසුගිය සතියේ දී එම ඒජන්සිය ඉතිහාසයේ විශාලතම තෙල් සංචිත ප්රමාණය මුදාහැරීමට එකඟ වුණා.
එම මුදාහැරීමෙන් පසුව වුවද තවත් බැරල් බිලියන1.4 කට අධික හදිසි තෙල් සංචිත ප්රමාණයක් ඉතිරිව පවතින බවයි ඔහු වැඩිදුරටත් පවසා ඇත්තේ.
