නුවරඑළිය විජිතපුර ප්‍රදේශයේදී කාන්තාවක් විසින් කළ පහරදීමකින් ඇයගේ සැමියා ජීවිතක්ෂයට පත්වී තිබෙනවා.
ඊයේ (23) රාත්‍රී ඔවුන් දෙදෙනා අතර ඇතිවූ ආරවුලක් දුරදිග යාම හේතුවෙන් සැකකාර කාන්තාව තියුණු ආයුධයකින් පහරදී සැමියා ඝාතනය කර ඇති බවටයි අනාවරණ වී ඇත්තේ.
මේ සම්බන්ධයෙන් ඊයේ රාත්‍රී පොලිස් හදිසි ඇමතුම් අංශයට ලැබුණු තොරතුරකට අනුව විමර්ශණ ආරම්භ වී තිබෙනවා.
මියගොස් ඇත්තේ විජිතපුර ප්‍රදේශයේම පදිංචි 33 හැවිරිදි පුද්ගලයෙක්.
ඔහු අධික ලෙස බීමත්ව නිවසේ සිට ඇති අතර බිරිඳ රැකියාව අවසන් කර රාත්‍රී නිවසට පැමිණීමෙන් අනතුරුව දෙදෙනා අතර බහින් බස්වීමක් සිදුවී තිබෙනවා.
එහිදී මියගොස් ඇති සැමියා විසින් බිරිඳට පහරදීමක් සිදු කර ඇති බවයි පොලිසිය සඳහන් කළේ.
පසුව බිරිඳ විසින් තියුණු ආයුධයකින් පහරදී සැමියා ඝාතනය කර තිබෙනවා.
මෘත ශරීරය එම ස්ථානයේම තබා ඇති අතර මහේස්ත්‍රාත් පරීක්ෂණය සිදු කිරීමට නියමිතයි.
අවුරුදු 32ක් වන සැකකාර කාන්තාව පොලිස් අත්අඩංගුවට ගෙන ඇති අතර නුවරඑළිය පොලිසියයි විමර්ශන සිදු කරන්නේ.
