බලු බද්දක්?

සුනඛ බද්දක් හේතුවෙන් දඹුල්ල මහනගර සභාවේ උණුසුම් තත්වයක් මතුව තිබෙනවා.

අද (22) පෙරවරුවේ දඹුල්ල මහනගර සභාවේ මහා සභා රැස්වීම පැවති අතර එහිදී 2022 වර්ෂයට අදාළව දඹුල්ල මහනගර සභා සීමාවේ බදු අය කිරීම සංශෝධනය කරමින් පත්‍රිකාවක් ඉදිරිපත් කර තිබේ.

2022 වසරේ සිට මහනගර සභා සීමාවේ ග්‍රාම සේවා වසම් 13ක සියලුම නිවෙස්වල ඇති කරන සුනඛයින් සඳහා බදු මුදලක් අයකර එය ජනවාරි සිට අනිවාර්යෙන් ගෙවිය යුතු බවට යෝජනාවක් එහි ඇතුළත්ව තිබීම හේතුවෙන් ඒ පිළිබඳව නාගරික මන්ත්‍රිවරුන් අතර කථාබහක් මතුව තිබෙනවා.

කෙසේ නමුත් එම බද්ද පනතට ඇතුලත්ව තිබුණද ප්‍රායෝගිකව එය අය නොකරන බව නගරාධිපතිවරයා පවසන්නේ.