මධ්‍යසාර සහ දුම්වැටි මත පැනවුණු සුරාබදු අද (11) සිට ඉහළ නැංවීමට රජය පියවර ගැනුණා.
ඒ, අනුව මධ්‍යසාර කාණ්ඩ නවයක් සඳහා අය කෙරෙන බදු අද (11) දිනයේ සිට සංශෝධනය කර තිබෙනවා.
නව බදු සංශෝධනත් සමඟ රුපියල් 3,580ක් වූ ගල් අරක්කු බෝතලයක මිල රුපියල් 102කින් ඉහළ යනවා.
ඒ, අනුව ගල් අරක්කු බෝතලයක නව මිල වන්නේ රුපියල් 3,682ක්.
එමෙන්ම රුපියල් 3,850ක්ව පවතින පොල් අරක්කු බෝතලයක මිල රුපියල් 109කි ඉහළ යන අතර එහි නව මිල වන්නේ 3,959ක් ලෙසටයි.
ඊට අමතරව පරණ අරක්කු බෝතලයක මිල රුපියල් 4,000ක්ව පැවති අතර, එහි මිල රුපියල් 109කින් ඉහළ ගොස් තිබෙනවා.
ඒ, අනුව අරක්කු බෝතලයක නව මිල වන්නේ රුපියල් 4,106ක්.
එමෙන්ම අති විශේෂ පරණ අරක්කු බෝතලයක රුපියල් 109කින් ඉහළ යන අතර, එහි නව මිල රුපියල් 4,359ක් දක්වා ඉහළ යනවා.
මේ අතර බියර් මිල ද මේ සමඟ ඉහළ යන අතර, සැර අඩු බියර් බෝතලයක් රුපියල් 30කින් ද, සැර වැඩි බියර් බෝතලයක් රුපියල් 40කින් ද ඉහළ යන බවයි වාර්තා වන්නේ.
මීට අමතරව දේශීයව නිෂ්පාදනය කරන විදේශීය විස්කි බෝතලයක මිල ද රුපියල් 100කින් ඉහළ නංවා ඇති අතර, ඒවායේ සැර ප්‍රමාණය අනුව මිල ඉහළ නැංවෙනු ඇති.
