පොලිස් නිලධාරීන්ගෙන් 45%ක් බෝනොවන රෝගී තත්ත්වයන්ට ගොඳුරු වී ඇති බව වැඩබලන පොලිස්පති ප්‍රියන්ත වීරසූරිය පවසනවා.
2021 වසරේ දී කළ සමීක්ෂණයට අනුව මේ බව අනාවරණය වූ බවයි වැඩබල පොලිස්පතිවරයා සඳහන් කළේ.
එම නිලධාරීන්ගෙන් 30%ත් 35%ත් අතර ප්‍රමාණයක් තවමත් ඔවුන් රෝගීන් බවට නොදන්නා බවයි ඔහු වැඩිදුරටත් පවසා සිටියේ.
මේ අතර රාජකාරියේ නිරත පොලිස් නිලධාරීන් 17ක් සාමාන්‍ය වශයෙන් සෑම මසකට මිය යන බව අනාවරණය වී ඇති බවයි වැඩබලන පොලිස්පතිවරයා පැවසුවේ.
එමෙන්ම සෑම වසරකට පොලිස් නිලධාරීන් 23 දෙනෙකු පමණ සියදිවි හානි කරගන්නා බවට ද අනාවරණය වී ඇති බව ඔහු මෙහිදී සඳහන් කර සිටියා.
වැඩබල පොලිස්පතිවරයා පැවසුවේ ඒ අනුව පොලිස් නිලධාරීන් සඳහා උපදේශ සේවාව ද අත්‍යවශ්‍ය බවට හඳුනාගෙන ඇති බවයි.
නාරාහේන්පිට පොලිස් රෝහලේ නවීකරණය කළ නව වාට්ටුවක් විවෘත කිරීමේ අවස්ථාවට අද (25) එක්වෙමින් ඔහු මෙම අදහස් පළකර සිටියා.
මෙහිදී වැඩිදුරටත් අදහස් දැක්‌ වූ වැඩබලන පොලිස්පතිවරයා,
