පොලිස් නිලධාරින්ගේ ගිනිඅවියක් උදුරා ගැනීමට උත්සාහ කළ පුද්ගලයකු මෙරට නිෂ්පාදිත ජීව අත්බෝම්බයක් සහ මන්නා පිහියක් සමග අද පස්වරුවේ අත්අඩංගුවට ගෙන තිබෙනවා.
ඒ පානදුර දකුණ පොලිසිය විසින්.
මෙසේ අත්අඩංගුවට ගෙන ඇත්තේ පානදුර – මෝදරවිල ප්‍රදේශයේ පදිංචි 26 හැවිරිදි පුද්ගලයකු බවයි පොලිසිය පැවසුවේ.
ජංගම සංචාරයේ යෙදී සිටී පොලිස් නිලධාරින් තිදෙනෙකුට සැක සිතී සැකකරුව පරීක්ෂා කිරීමේ දී ඔහු පොලිස් නිලධාරින් සමග ගැටුමක් ඇති කරගෙන එහිදී රාජකාරි ගිනිඅවිය උදුරා ගැනීමට උත්සාහ කර ඇති බවට ද වාර්තා වනවා.
එහිදී පොලිස් නිලධාරීන් දැඩි වෙහෙසක් දරා සැකකරු අත්අඩංගුවට ගෙන ඇති බවත්, ඔහුව පරීක්ෂා කිරීමේ දී මෙරට නිෂ්පාදිත ජීව අත්බෝම්බයක් සහ විදුලි පහන් කණුවක් අසල සඟවා තිබූ අඩි එකහමාරක් පමණ දිගැති මන්නා පිහියක් ද සොයා ගැනුණා.
සැකකරු හෙට පානදුර මහේස්ත්‍රාත් අධිකරණයට ඉදිරිපත් කිරීමට නියමිතයි.
