පොල් හිඟ වීමට බලපා ඇති හේතුවක් ලෙස ගෘහස්ථ පරිභෝජනයේ දී පොල් සම්බෝල සහ පොල් මිරිකීමේ ක්රියාවලිය පෙන්වාදිය හැකි යැයි ඊයේ (22) ප්රකාශ කළ නියෝජ්ය අමාත්ය චතුරංග අබේසිංහ මහතාගේ ප්රකාශයට විරෝධය පළ කර තිබෙනවා.
ආපණශාලා හිමියන්ගේ සංගමයේ සභාපති මෙන් ම පාරිභෝගික අයිතින් සුරැකීමේ ජාතික ව්යාපාරයේ නායක අසේල සම්පත් මහතා අද (23) පෙරවරුවේ සාකච්ඡාවක් කැඳවමින් ප්රකාශ කළේ අඩු බර සහිත ව උපත ලද්දවුන් පාර්ලිමේන්තු යවා ඔවුන් සිදු කරන ඇතැම් මුග්ධ ප්රකාශයන්ට එරෙහිව කතා කිරීම වෙනුවෙන් මෙම හමුව පැවැත්වූ බවයි.
රට තුළ ඇති වී තිබෙන පොල් ප්රශ්නයට හේතුව පොල් සම්බෝල හෝ පොල් මිරිකීමේ ක්රියාවලිය යැයි කියූ නියෝජ්ය අමාත්ය චතුරංග අබේසිංහට දැඩි දෝෂාරෝපණයක් එල්ල කරන අසේල සම්පත් මහතා කියා සිටියේ නියෝජ්ය අමාත්යවරයාගේ පියා වන නිහාල් අබේසිංහයන් විශේෂඥ වෛද්යවරයෙකු බැවින් පොල් සම්බෝලවල ඇති ඖෂධීය ගුණාත්මකභාවය ගැන දරුවාට කියා දීම වැදගත් බවයි.
මේ අතර නියෝජ්ය අමාත්යවරයා සිදු කළ ප්රකාශයට විරෝධය දක්වමින් ඇතැම් පොල් අලෙවි කරන වෙළෙඳසැල්වල කඩහිමියන් විසින් පොල් ගෙඩි අසලින් පුවරුවක් සවිකරමින් දන්වා ඇත්තේ ” පොල් සම්බෝල හා පොල් කිරි මිරීකමට’ පොල් විකුණන්නේ නැති බවටයි.
