දරුවන් කියන්නේ ජාතියේ සම්පතයි.
හෙට ලොව දිනන දරුවන්ට කවදත් අත්වැලක් වෙන මහජන බැංකුව, 75 වැනි ජාතික නිදහස් දිනයට සමගාමීව මහජන බැංකුව හැම අවුරුද්දකදීම ක්රියාත්මක කරන ‘නිදහසේ උපත’ වැඩසටහන මෙවරද දියත් කර තිබෙනවා.
මේ වැඩසටහන මඟින් පෙබරවාරි 01 වැනි දින සිට 14 වැනි දින දක්වා දෙසතිය තුළ මෙරට ඉපදෙන හැම බිළිදකු වෙනුවෙන්ම රු. 2,000/-ක් වටිනා ඉසුරු උදාන තිළිණ පතක් පිරිනමන්නටත් කටයුතු යොදා තිබෙනවා.
එමෙන්ම, ඉසුරු උදාන ගිණුමේ 25 වැනි සංවත්සරය මේ වසරට යෙදී තිබීම ද විශේෂත්වයක් වෙනවා.
මහජන බැංකුවේ ඉසුරු උදාන ගිණුම වයස අවුරුදු 05 දක්වා දරුවන් වෙනුවෙන් ආරම්භ වුණේ 1998 වසරේදී යි.
දේශීය අභිමානය ජනිත කිරීමේ අරමුණින්, සැබෑ නිදහසක් දරුවන් හට උරුම කරදෙන්නට ඔවුන්ගේ අනාගතයට මාපියන් ඉලක්කගත කිරීමේ අරමුණ ඇතිකරන්නට මහජන බැංකුව ‘නිදහසේ උපත’ වැඩපිළිවෙළ ආරම්භ කළේ 2006 වර්ෂයේදීයි.
නිදහස් දිනය දා මේ වැඩසටහන ආරම්භ කරමින් මහජන බැංකුවේ සභාපති සුජීව රාජපක්ෂ සහ වැඩබලන ප්රධාන විධායක නිලධාරී/සාමාන්යාධිකාරී ක්ලයිව් ෆොන්සේකා යන මහත්වරු, බොරැල්ල කාසල් වීදියේ කාන්තා රෝහලේදී සංකේතාත්මකව ඉසුරු උදාන තෑගි තිළිණපත් සහ ත්යාග පිරිනැමීමට ද එක්වුණා.
මේ අවස්ථාවට බොරැල්ල කාසල් වීදියේ කාන්තා රෝහලේ හා බොරැල්ල ද සොයිසා රෝහලේ වෛද්යවරුන් වගේම මහජන බැංකුවේ නිළධාරීන් ද එක්වුණා.
