බලංගොඩ පොලිස් බල ප්‍රදේශයට අයත් පහළ මස්සැන්න ප්‍රදේශයේ දී පියෙකු විසින් සිය 23 හැවිරිදි පුත්‍රයාගේ හිසට පොල්ලකින් පහර දී ඝාතනය කිරීමට උත්සහා දරා තිබෙනවා.
එම පහරදීමෙන් පුත්‍රයා බරපතළ තුවාල ලබා ඇති බවත් පසුව පියා වස පානය කර ඇති බවත් දෙදෙනාම බරපතළ තත්ත්වයෙන් බලංගොඩ මූලික රෝහලට ඇතුළත් කර ඇති බවයි දසත ප්‍රාදේශීය වාර්තාකරු පැවසුවේ.
ඊයේ (04) පස්වරුවේ මෙම අවාසනාවන්ත සිදුවීම සිදු ව ඇති අතර සැකකාර පියා විසින් ඔහුගේ බිරිඳට ද පිහියකින් පහර දී ඇති බවත් එම පිහි පහර ඇය වළක්වා ගෙන ඇති බවත් වාර්තා වනවා.
විශ්වවිද්‍යාලයක ඉගෙනුම ලබන සැකකරුගේ පුත්‍රයා මිදුලේ පාඩම් කරමින් සිටියදි අදාළ පහරකෑමට ලක් ව ඇති බවයි සිදු කළ මූලික විමර්ශනයේ දී අනාවරණය වී ඇත්තේ.
මෙම පහරදීමට හේතුවක් මෙතෙක් හෙළි ව නැහැ.
බලංගොඩ පොලිසිය වැඩිදුර විමර්ශන සිදු කරනවා.
ඔබේ ප්‍රතිචාරය කුමක්ද ?
+1
+1
+1
+1
+1
3
+1
+1
1
