ඇල්පිටිය, වල්අඹගල ප්‍රදේශයේ පිහිටි පාළු නිවසක තිබූ මළ සිරුරක් ඊයේ දහවල් (18) සොයාගත් බව ඇල්පිටිය පොලිසිය ප්‍රකාශ කරනවා.
මෙලෙස මියගොස් ඇත්තේ පිරිමි පුද්ගලයෙක්.
ඔහු දින කිහියකට පෙර මියගිය ගොස් ඇති බවට යි නිරීක්ෂණය වී ඇත්තේ.
අදාළ නිවසෙහි 45 හැවිරිදි පුද්ගලයෙකු සිටි බව ප්‍රදේශවාසීන් පවසන අතර මෙලෙස මියගොස් ඇත්තේ එම පුද්ගලයා බවට පොලීසිය සැක කරනවා.
අදාළ පුද්ගලයා කලක සිට සිය පවුලෙන් වෙන් වී මෙම පාළු නිවස තුළ තනිව ජීවත්ව සිට ඇති බව සඳහන්.
ඊයේ උදෑසන අදාළ නිවස දෙසින් දුර්ගන්ධයක් හමන බවට ප්‍රදේශවාසීන්ට නිරීක්ෂණය වී ඇති අතර, ඒ අනුව ඔවුන් පොලීසියට ඒ පිළිබඳ පැමිණිලි කර තිබෙනවා.
පොලීසිය විසින් සිිරුර සොයාගෙන ඇත්තේ ඒ අනුවයි.
කෙසේ වෙතත් මොහු මරණයට පත් වූයේ කුමන හේතුවක් නිසා ද යන්න ගැටළුවක් බව සඳහන්.
පශ්චාත් මරණ පරික්ෂණය සඳහා මළ සිරුර ඇල්පිටිය රෝහල වෙත ගෙන ගොස් තිබෙනවා.
