ලබන සතියේ ආරම්භ වීමට නියමිත ශ්රී ලංකා – පාකිස්තාන එක්දින ක්රිකට් තරගාවලිය සඳහා සහ ශ්රී ලංකාව, පාකිස්ථානය සහ සිම්බාබ්වේ සහභාගීත්වයෙන් පවත්වනු ලබන විස්සයි විස්ස තුන්කොන් තරගාවලිය සඳහා එක්වන ජාතික කණ්ඩායමේ එක්දින හා විස්සයි විස්ස සංචිත අද (07) පස්වරුවේ නම් කරනු ලැබුවා.
ඒ අනූව පාකිස්ථානය සමඟ පැවැත්වෙන තරග තුනකින් සමන්විත එක්දින තරගාවලිය සඳහා චරිත් අසලංකගේ නායකත්වයෙන් යුත් 16 දෙනෙනෙකුගේ සංචිතයක් නම් කර තිබෙනවා.
එම සංචිතය වනුයේ නායක චරිත් අසලංක, පැතුම් නිස්සංක, ළහිරු උදාර, කමිල් මිෂාර, කුසල් මෙන්ඩිස්, සදීර සමරවික්රම, කමිඳු මෙන්ඩිස්, ජනිත් ලියනගේ, පවන් රත්නායක, ,වනිඳු හසරංග, මහීෂ් තීක්ෂණ, ජෙෆ්රි වැන්ඩර්සේ, දුෂ්මන්ත චමීර, අසිත ප්රනාන්දු, ප්රමෝද් මදුෂාන්, එෂාන් මාලිංග.
එක්දින සංචිතයට නම් කර තිබූ දිල්ෂාන් මදුශංක දණහිසේ ආබාධයකින් සුවය ලබමින් සිටින බැවින් සංචාරයට එක් නොවන අතර, ඊෂාන් මාලිංග ඔහුගේ ආදේශකයා ලෙස නම් කර තිබෙනවා.
තුන්කොන් විස්සයි විස්ස තරගාවලිය සඳහා නායක චරිත් අසලංක, පැතුම් නිස්සංක, කුසල් මෙන්ඩිස්, කුසල් ජනිත් පෙරේරා, කමිල් මිෂාර, දසුන් ශානක – උප නායක, කමිඳු මෙන්ඩිස්, භානුක රාජපක්ෂ, ජනිත් ලියනගේ, වනිඳු හසරංග, මහීෂ් තීක්ෂණ, දුෂාන් හේමන්ත, දුෂ්මන්ත චමීර, නුවන් තුෂාර, අසිත ප්රනාන්දු, ඊෂාන් මාලිංග එක්වනවා.
T20I සංචිතයට නම් කර තිබූ මතීෂ පතිරණ, උගුරේ ආසාදනයකින් (URTI) සුවය ලබමින් සිටින බැවින් සංචාරයට එක් නොවන අතර, අසිත ප්රනාන්දු ඔහුගේ ආදේශකයා ලෙස නම් කර තිබෙනවා.
ඒ අනුව මෙම ක්රීඩකයන් හෙට (08) පාකිස්තානය බලා පිටත්ව වීමට නියමිතයි.
