ඩිමොක්රටික් කොංග්රස් මන්ත්රීවරියක වන ප්රමිලා ජයපාල් සහ කොංග්රස් සභික ග්රෙග් කැසාර්ගේ නායකත්වයෙන් යුත් එක්සත් ජනපද නීති සම්පාදකයින් හතළිස් දෙදෙනෙකු, ජ්යේෂ්ඨ පාකිස්තාන නිලධාරීන්ට වහාම සම්බාධක පනවන ලෙස රාජ්ය ලේකම් මාර්ක් රූබියෝට ලිපියක් යොමු කර තිබෙනවා.
එම ඉල්ලීම කර ඇත්තේ අගමැති ෂෙබාස් ෂරීෆ් සහ හමුදා ප්රධානී ජෙනරාල් අසීම් මුනීර්ගේ මිලිටරි පිටුබලය ලත් රජය යටතේ “පකිස්තානයේ නරක අතට හැරෙන මානව හිමිකම් අර්බුදය සැලකිල්ලට ගනිමින්.
අදාළ ලිපියේ, පකිස්තානයේ හමුදාවට එරෙහිව කතා කරන එක්සත් ජනපද පුරවැසියන්ට සහ පදිංචිකරුවන්ට තර්ජනය කිරීම මෙන්ම පකිස්තානයේ ඔවුන්ගේ පවුලේ සාමාජිකයන් ඉලක්ක කිරීම සම්බන්ධයෙන් චෝදනා ලැබ සිටින නිලධාරීන්ට වීසා සීමා කිරීම් සහ වත්කම් කැටි කිරීම ඇතුළු නිශ්චිත දඬුවම් ක්රියාමාර්ග ඉල්ලා තිබෙනවා.
විපක්ෂ පුද්ගලයින් චෝදනාවකින් තොරව සිරගත කර ඇති බවත්, මාධ්යවේදීන් හිරිහැර කර ඇති බවත් හෝ පිටුවහල් කර ඇති බවත්, සමාජ මාධ්ය පළ කිරීම් හේතුවෙන් සාමාන්ය ජනතාව අත්අඩංගුවට ගෙන ඇති බවත් පවසමින්, පකිස්තානය ඒකාධිපති පාලනයකට ගැඹුරට ලිස්සා යමින් සිටින බවට නීති සම්පාදකයින් තවදුරටත් අනතුරු අඟවනවා.
